સોનગઢ : તાપી ડીવાયએસપી સ્ટાફને મળેલ બાતમીના આધારે સોનગઢ તાલુકાના વેલઝર-ઉખલદા ગામના રસ્તા પરથી ગત મોડીરાત્રે એક ઇક્કો ગાડી નંબર જીજે/26/એન/7705 માં તપાસ  હાથ ધરવામાં આવતા ગાડી માંથી દેશીદારૂ બનાવવા માટે વેચાણ આપવાના ઇરાદે લઈ જવાતો ખાકી પુઠ્ઠાના ગોળના બોક્સ નંગ 26 તથા 25 કિલો ગ્રામ મહુડાના ફૂલ સાથે શંભુલાલ જગુરામ ગુર્જર રહે,ખોડતળાવ, ઢાંસલી ફળિયું તા.વ્યારા જી.તાપી ને ઝડપી પાડવામાં આવ્યો હતો.

તેની વધુ પૂછપરછમાં માધુ રવલા ચૌધરી અને નિર્મલ ચૌધરી બંને જણા રહે,ધજંબા તા.સોનગઢ નાઓએ ગોળ અને મહુડા મંગાવ્યો હોવાનું જાણવા મળ્યું હતું. 

આ બનાવમાં પકડાયેલા આરોપીની અંગ ઝડતી માંથી મળી આવેલ રોકડ રૂપિયા 14,929/- તથા ગોળ અને મહુડાના ફૂલ તેમજ ઇક્કો ગાડી મળી કુલ રૂપિયા 1,70,620/ નો મુદ્દામાલ જપ્ત કરવામાં હતો. 

બનાવ અંગે પોલીસ કોન્સ્ટેબલ પ્રફુલભાઈ પ્રતાપસિંહ ની ફરિયાદના આધારે સોનગઢ પોલીસ મથકે ગુનો દાખલ કરી નિયમોનુસારની કાર્યવાહી હાથ ધરવામાં આવી છે.