તાપી જીલ્લા એલસીબી પોલીસ સ્ટાફને મળેલ બાતમીના આધારે આજરોજ ઉચ્છલ તાલુકાના મીરકોટ ગામના ત્રણ રસ્તા પાસે નેશનલ હાઇવે નંબર 53 પરથી એક હીરો કંપનીની મોપેડ ગાડી નંબર જીજે/19/એસી/5434 ને અટકાવી તપાસ કરી હતી.

પોલીસ તપાસ દરમિયાન મોપેડ ગાડી ઉપર લઈ જવાતા બે મીણીયા કોથળા માંથી ભારતીય બનાવટની વિદેશીદારૂ નાની મોટી બાટલીઓ મળી કુલ નંગ 96 જેની કિંમત રૂપિયા 9,600/- ના દારૂ સાથે સુનીલભાઈ સંજયભાઈ ગામીત રહે, ધામદોડ,વસાવા ફળિયું તા.પલસાણા જી.સુરત નો એલસીબી પોલીસના હાથે ઝડપાઈ ગયો હતો.

આ બનાવમાં પોલીસ કોન્સ્ટેબલ દીપકભાઈ સેવજીભાઈની ફરિયાદના આધારે દારૂ,મોપેડ ગાડી મળી કુલ રૂપિયા 34,600/-નો મુદ્દામાલ જપ્ત કરી ઉચ્છલ પોલીસ મથકે સુનીલ ગામીત વિરુદ્ધ ગુનો દાખલ કરી નિયમોનુસારની કાર્યવાહી હાથ ધરી હતી.