વ્યારાના પોલીસ સ્ટાફના માણસોએ બાઈક ઉપર દારૂની ફેરાફેરી કરતા બે યુવકોને ઝડપી પાડી કાયદેસરની કાર્યવાહી હાથ ધરી હતી.

વ્યારા પોલીસ સ્ટાફના માણસોને મળેલ બાતમીના આધારે ઉનાઈ નાકા પાસેથી એક મોટર સાયકલ નંબર જીજે/26/પી/8873 અટકાવી તપાસ કરતા બાઈક પર સવાર પાઉલભાઈ સંજયભાઈ માવચી અને સુનિલભાઈ રમેશભાઈ માવચી બંને રહે,ખેખડા ગામ ચિકારી ફળિયું તા.નવાપુર જી.નંદુરબાર-મહારાષ્ટ્ર નાઓ પાસેથી ભારતીય બનાવટનો ઈગ્લીશ દારૂ તથા દેશીદારૂ સુગંધ સંતરાની શીલબંધ કુલ બાટલીઓ નંગ-96 જેકેટમાં સંતાડી ફેરાફેરી કરતા પકડાઈ ગયા હતા.

બનાવ અંગે પોલીસ કોન્સ્ટેબલ સમુએલભાઈ મનહરભાઈની ફરિયાદના આધારે દારૂ સહિતનો મુદ્દામાલ જપ્ત કરી વ્યારા પોલીસ મથકે પાઉલ માવચી અને સુનીલ માવચી વિરુધ્ધ ગુનો દાખલ કરવામાં આવ્યો હતો.