સોનગઢ તાલુકાના આમલીપાડા ગામના વિસ્તારમાં દીપડો નજરે પડતા ગામના સરપંચે વિવિધ બાબતોની સોનગઢ વન વિભાગને જાણ કરતા તા.ચોથી સપ્ટેમ્બર નારોજ આમલીપાડા ગામમાં વન વિભાગ દ્વારા મારણના છટકા સાથે પાંજરું મૂકવામાં આવ્યું હતુ. તે દરમિયાન શુક્રવારે મળસકે આશરે બે વર્ષીય વયનો જણાતો કદાવર દીપડો પાંજરાના છટકામાં ફસાઈ જતાં સોનગઢ વન વિભાગના કર્મચારીઓએ ઘટના સ્થળે આવી પાંજરે પુરાયેલા દીપડાનો કબજો મેળવી જરૂરી તપાસ બાદ દીપડાને સુરક્ષિત જંગલ વિસ્તારમાં મુકત કરવાની કામગીરી શરૂ કરી હતી.