વ્યારાના મદાવ ગામના મરઘી ફાર્મ પાસેથી દારૂ ભરેલી કાર સાથે બે જણાને ઝડપી પાડવામાં તાપી પોલીસ ને સફળતા મળી છે,

મળતી માહિતી અનુસાર તાપી પોલીસને મળેલ બાતમીના આધારે આજરોજ સવારે વ્યારા-સરૈયા માર્ગ પર વોચમાં હ્તા તે દરમિયાન બાતમી વાળી કાળા કલરની ગાડી આવતા તેનો રોકવાનો પ્રયાસ કર્યો હતો પરંતુ કારના ચાલકે ભાગવાનો પ્રયાસ કરતા તાપી પોલીસે ફિલ્મી ઢબે તેનો પીછો કરી મદાવ ગામના મરઘી ફાર્મ પાસેથી કાર નંબર જીજે/11/એએસ/3906 ને ઝડપી પાડી તપાસ કરતા

કાર માંથી ગોપાળ રાજુરામ ખીચડ (બિશ્નોઈ) રહે, નેળીનાડી ગામ ખીચડોકી ધાણી ફળિયું, તા.ધોબી મીના જી.બાડમેર-રાજસ્થાન અને આકાશભાઈ રમણીકભાઈ પટેલ રહે, તેજન્દ્ર પાર્ક,વરાછા-સુરત નાઓ પાસેથી અલગ અલગ બ્રાન્ડનો ઈંગ્લીશ દારૂની કુલ બાટલીઓ નંગ 303 જેની કિંમત રૂપિયા 1,94,100/- નો મુદ્દામાલ તથા પકડાયેલા આરોપીઓ પાસેથી મળી આવેલ મોબાઈલ ફોન નંગ 2 જેની કિંમત રૂપિયા 1000/-, રોકડ રકમ રૂપિયા 640/- અને કાર મળી કુલ રૂપિયા 4,96,340/- નો મુદ્દામાલ જપ્ત કર્યો હતો,

બંને આરોપીઓની પૂછપરછ દરમિયાન દારૂ ભરાવનાર દિનેશભાઈ હેમારામ ગોદારા હાલ રહે, ભાવનગર અને તેની સાથે એક અજાણ્યો ઇસમ એક ફોર વ્હીલ ગાડી નંબર જીજે/05/જેએફ/1874 માં બેસી આગળ પાયલોટીંગ કરતો હોવાનું પોલીસ તપાસમાં જાણવા મળ્યું હતું. જોકે પાયલોટીંગ કરનાર માણસો કારમાં નાશી છુટ્યા હતા. બનાવ અંગે હેડકોન્સ્ટેબલ સંદીપભાઈ હીરાલાલની ફરિયાદના આધારે પકડાયેલા બંને આરોપીઓ વિરુદ્ધ વ્યારા પોલીસ મથકે ગુનો દાખલ કરી નાશી છુટેલા બે આરોપીઓને વોન્ટેડ જાહેર કરી નિયમોનુસારની કાર્યવાહી હાથ ધરવામાં આવી છે.