તાપીમિત્ર ન્યુઝ,સોનગઢ:સોનગઢના હિંદલા ગામ પાસે એક પુરપાટ ઝડપે દોડતા ટ્રકે બાઈકને ટક્કર મરતા એક યુવકનું ઘટના સ્થળે જ કમકમાટીભર્યા મોત નીપજ્યું હતું.જયારે અન્ય બે યુવકોને ગંભીર ઇજા પહોંચતા સારવાર હેઠળ ખસેડવામાં આવ્યો હતો. મળતી માહિતી અનુસાર તા.૧૩મી જૂન નારોજ,સોનગઢ-ઓટા માર્ગ પર આવતું હિંદલા ગામના ડુંગરી ફળીયા માંથી પસાર થતા માર્ગ પરના વળાંક પાસે એક ટ્રક નંબર GJ-05-YY-8538 ના ચાલકે પોતાની ટ્રક પુરપાટ ઝડપે અને ગફલત ભરી રીતે હંકારી લાવી નવી બજાજ પલ્સર-220 ને ટક્કર મારતા બાઈક ચાલક યારીનભાઈ વિનોદભાઇ ગામીત સાથે ના પ્રકાશભાઈ અરવિંદભાઈ ગામીત અને રૂસ્તમભાઈ રમણભાઈ ગામીત ત્રણેય રહે,ઓઝર-સોનગઢને શરીરે ઓછીવતી તથા ગંભીર ઇજા પહોંચાડતા યારીનભાઈનું સ્થળ પરજ મોત નીપજ્યું હતું.જયારે રૂસ્તમ અને પ્રકાશ ને સારવાર અર્થે નજીકની હોસ્પિટલમાં ખસેડવામાં આવ્યો હતો.બનાવ અંગે વિનોદભાઈ કીકાભાઈ ગામીત રહે ,ઓઝર,નિશાળફળિયું-સોનગઢ નાઓએ સોનગઢ પોલીસ મથકે ટ્રક ચાલક વિરુદ્ધ ફરિયાદ કરી હતી.જેમની ફરિયાદ ને આધારે ફરાર અજાણ્યા ટ્રક ચાલક સામે ગુન્હો રજીસ્ટર કરી આગળની વધુ તપાસ અહેકો દશરથભાઈ ભુપતભાઈ કરી રહ્યા છે. update: આ અકસ્માતમાં યારીનભાઈ વિનોદભાઈ ગામીતનું ઘટના સ્થળે મોત નીપજ્યું હતું,જયારે રૂસ્તમભાઈ રમણભાઈ ગામીતનું વ્યારા સરકારી હોસ્પિટલ ખાતે સારવાર દરમિયાન મોત નીપજ્યું હતું.પ્રકાશભાઈ અરવિંદભાઈ ગામીત  હાલ સારવાર હેઠળ...