તાપીમિત્ર ન્યુઝ,રાજપીપળા:નર્મદા જિલ્લામાં સોમવારે બે અલગ અલગ અકસ્માત થયા હતા જેમાં બે વ્યક્તિઓના મોત થયા હતા જયારે ત્રણ ને ગંભીર ઈજાઓ પહોંચતા સારવાર માટે ખસેડાયા હતા. પ્રાપ્ત વિગતો અનુસાર તિલકવાડા તાલુકાના આલમપુર ગામ પાસે થયેલા અકસ્માત માં ગરુડેશ્વર તાલુકાના એકતેશ્વર ગામના બે મિત્રો પૈકી નરેશ ઈશ્વર તડવી અને સંજય લક્ષમણ તડવી નરેશ ની બાઈક નં.જીજે-22-જે-6497 લઈ તિલકવાડા વીજ કંપની ની કચેરી એ લાઈટ બિલ ભરી પરત ફરતા હતા ત્યારે આલમપુરા ગામ પાસે ના વળાંક માં વળાંક લેવાના બદલે નરેશ તડવીએ પોતાની બાઈક સીધી સામેના ખાડા માં ઉતારી દેતા તેમનું ઘટના સ્થળેજ મોત થયું હતું જયારે મિત્ર સંજય ને ગંભીર ઈજાઓ થતા તેને આ બાબતે તિલકવાડા પોલીસ સ્ટેશને ફરિયાદ આપી હતી ,જયારે બીજો બનાવ ડેડીયાપાડા તાલુકાના ટિમ્બાપાડા ગામની સિમ માં બન્યો જેમાં ત્રણ મિત્રો પૈકી ફરિયાદી જીગ્નેશ જાલમસિંગ વસાવા,નીતિન રૂપજી વસાવા અને જૈમિન અમ્રત વસાવા જીગ્નેશ ની બાઈક નં.જીજે-22- ઈ-7904 પર ડેડીયાપાડા થી ટિમ્બાપાડા તરફ જતા હતા એ સમયે પુરપાટ ધસી આવેલી એક સફેદ કલરની સ્વીફ્ટ કાર નં.જીજે-06 –કેપી-5314 ના ચાલકે બાઈકને ટક્કર મારતા જૈમિન વસાવાનું મોત નિપજાવ્યું જયારે એની સાથેના અન્ય બે મિત્રો ને ગંભીર ઇજા પોહચાડી નાસી જતા જીગ્નેશ વસાવા એ ડેડીયાપાડા પોલીસ સ્ટેશને ફરિયાદ આપી હતી.