ઉચ્છલના બેડકી નાકા પાસેથી દારૂ ભરેલી ગાડી સાથે બે જણાને ઝડપી પાડી પોલીસે એક વ્યક્તિને વોન્ટેડ જાહેર કરાયો છે, ઉચ્છલ તાલુકાના બેડકી નાકા પાસે ઉચ્છલ પોલીસ દ્વારા વાહન ચેકિંગ કામગીરી ચાલી રહી હતી.

તે દરમિયાન ક્રુઝર તુફાન ગાડી નંબર જીજે/૦૫/જેએ/૩૨૮૬ માં તપાસ હાથ ધરતા ગાડી માંથી ભારતીય બનાવટનો રૂ.૧૫,૬૦૦/-નો દેશીદારૂની ૬૦૦ નંગ બાટલીઓ મળી આવી હતી. આ બનાવમાં યુવરાજ શ્રાવણભાઈ પાટીલ રહે, લામકાની જી.ધુલિયા (મહારાષ્ટ્ર) અને પ્રવીણ અશોકભાઈ માલી હાલ રહે, કડોદરા એસ્સાર પેટ્રોલ પંપ આરાધના સોસાયટી તા.પલસાણા જી.સુરત,બંને જણાની અટક કરી પૂછપરછ હાથ ધરતા મહારાષ્ટ્રના નવાપુર ખાતે આવેલ એસ.એમ.અગ્રવાલ,કાકા વાઈન શોપનો મેનેજર નંદુ પાસેથી દારૂનો જથ્થો લઇ આવ્યા હોવાનું જાણવા મળ્યું હતું.

બનાવ અંગે એએસઆઈ નારાયણભાઈ રામજીભાઈની ફરિયાદના આધારે બંને આરોપીઓની અટક કરી દારૂ સહિત ક્રુઝર તુફાન ગાડી મળી કુલ ૬૫,૬૦૦/- રૂપિયાનો મુદ્દામાલ જપ્ત કરી નવાપુરના નંદુ નામના વ્યક્તિને વોન્ટેડ જાહેર કરી આગળની વધુ તપાસ હાથ ધરી છે.