સોનગઢ નગરપાલિકાની બીજી ટર્મની પાલિકાના પ્રમુખ-ઉપપ્રમુખની ચૂંટણી પાલિકા સભાખંડમાં સોમવારે રાખવામાં આવી હતી. ચુંટણી નાયબ કલેકટર અને પ્રાંત ઓફિસરના અધ્યક્ષસ્થાને નગરપાલિકાના સભાખંડમાં રાખવામાં આવી હતી. જેમાં પ્રથમ 12.01 મીનીટે તમામનું સ્વાગત કરી સભા શરૂ કરવામાં આવી હતી,

ભાજપ પાર્ટી તરફથી મેન્ડેટ લઇ આવેલ જયરામભાઈ ગામીત,નીતિનભાઈ શાહ (મામા),રાજેન્દ્રસિંહ કુંવર તથા અજીતભાઈ હળપતિ વગેરેની ટીમ હાજર રહી હતી, ત્યારબાદ ટપુભાઈ ભરવાડ દ્વારા પ્રમુખની ઉમેદવારી માટે તથા ભાવનાબેન ગામીત દ્વારા ઉપપ્રમુખની ઉમેદવારી માટે ફોર્મ રજુ કર્યા હતા. પાર્ટીએ બંનેના મેન્ડેટ આપ્યા હતા

અન્ય કોઇ ફોર્મ રજુ ના થતા બન્ને ઉમેદવાર બિનહરીફ ચૂંટાયેલા જાહેર કરવામાં આવ્યા હતા. જયારે કારોબારી ચેનમેન તરીકે નીખીલભાઈ ભીખુભાઈ શેઠ તથા પક્ષના નેતા તરીકે વૈશાલીબેન ચૌધરીની વરણી થઇ હતી. જેને લઇ તેમના સમર્થકોમાં હર્ષની લાગણી જન્મી હતી. પ્રમુખ અને ઉપપ્રમુખને સમર્થકોએ વધાવી લીધા હતા.