મોટર સાયકલની પેટ્રોલ ટાંકી અને સીટ નીચે ચોરખાનું બનાવી દારૂ સપ્લાય કરતા બારડોલીના બે આરોપીઓને સુરત રેંજ આઈજીની ટીમ ઓપરેશન ગૃપના માણસોએ ઝડપી પાડી નિયમોનુસાર કાર્યવાહી હાથ ધરી છે.

મળતી માહિતી મુજબ સુરત રેંજ આઈજીની ટીમ ઓપરેશન ગૃપના માણસોને મળેલ બાતમીના આધારે સોનગઢ તાલુકાના ટોકરવા ગામના બારી ફળિયાના ચર્ચ પાસે તા.23મી ઓગસ્ટ નારોજ ઓપરેશન ગૃપના માણસો વોચમાં હતા.

દરમિયાન મોટર સાયકલ નંબર જીજે/26/એચ/5045 માં તપાસ કરતા મોટર સાયકલના ચોરખાનામાંથી જુદીજુદી બનાવટની શીલબંધ દારૂની કુલ 192 બાટલીઓ મળી આવી હતી,

આ બનાવમાં ઓપરેશન ગૃપના હેડકોન્સ્ટેબલ બીપીનભાઈ ગામીતની ફરિયાદના આધારે દારૂ અને મોટર સાયકલ મળી કુલ રૂ.40,100/ નો મુદ્દામાલ જપ્ત કરી કિશનભાઈ રશિકભાઈ ચૌધરી તથા આશિષભાઈ અર્જુનભાઈ ચૌધરી બંને રહે,જૂની કીકવાડ,નવું ફળિયું-બારડોલી નાઓ વિરુદ્ધ સોનગઢ પોલીસ મથકે ગુનો દાખલ કરી અન્ય એક ઈસમને વોન્ટેડ જાહેર કરી નિયમોનુસારની કાર્યવાહી હાથ ધરી છે.