જિલ્લા પોલીસ વડા શ્રીમતી સુજાતા મજમુદારે નાસતા ફરતા વોન્ટેડ ગુન્હેગારોને ઝડપી પાડવા આપેલ સૂચના ને આધારે જિલ્લા એલસીબીએ આજરોજ વધુ એક વોન્ટેડ આરોપીને ઝડપી પાડ્યો છે.

તાપી એલસીબી શાખાના હેડકોન્સ્ટેબલ જગદીશભાઈ જોરરામભાઈ,લેબજીભાઈ પરબતભાઈ સહિતનો સ્ટાફના આજરોજ પેટ્રોલિંગમાં હતા તે દરમિયાન જગદીશભાઈને મળેલ બાતમીના આધારે

સોનગઢ પોલીસ મથકે નોંધાયેલ દારૂના ગુનામાં નાસતો ફરતો વોન્ટેડ આરોપી અજીત રાનીયા ગાવીત રહે,લકકડકોટ,હિરહા ફળિયું તા.નવાપુર જી.નંદુરબાર (મહારાષ્ટ્ર) નાઓને સોનગઢ ગામના ઓટા ચાર રસ્તા પાસેથી ઝડપી પાડી પૂછપરછ હાથ ધરવામાં આવતા દારૂના ગુના સંડોવાયેલો હોવાની તેણે કબૂલાત કરી હતી.હાલ આરોપીની મેડિકલ તપાસ કરાવી અટક કરવાની હોય જેથી મેડિકલ કરવા નિયમોનુસારની કાર્યવાહી હાથ ધરવામાં આવી છે.

આમ સોનગઢ પોલીસ મથકે નોંધાયેલ દારૂના ગુનમાં વોન્ટેડ આરોપીને ઝડપી પાડવામાં જિલ્લા એલસીબી પોલીસને વધુ એકવાર સફળતા મળી છે..