સુરત:સાલું ડાઈંગ મીલમાં રાત્રિના બે વાગ્યા આસપાસ આગ લાગ્યા બાદ તેના પર કાબુ મેળવવામાં આવ્યો હતો.ત્યાં જ સાલુની બાજુમાં રોડની સામે આવેલી મારૂતિ ડાઈંગ મીલમાં પણ આગ લાગી ગઈ હતી.જેથી ફરી ૨૫ થી વધુ ફાયરફાયટરો ઘટનાસ્થળે પહોંચી ગયાં હતાં. બીજી તરફ ભીષણ આગના પગલે મજૂરો મીલ માંથી બહાર દોડી આવતાં ઈજા જાનહાનિ ટળી હતી.આગના તાંડવના પગલે લોકોમાં ભયનો માહોલ ફેલાયો હતો.મારૂતિ ડાઈંગ મીલમાં ભીષણ આગ લાગતાં આગ પર કાબુ મેળવવા માટે શહેરના ૧૫ ફાયર સ્ટેશનના ફાયર ફાયટરોને ઘટનાસ્થળે બોલાવી લેવામાં આવ્યાં છે.આગની સાથે પવન પણ ભારે ફૂંકાઈ રહ્યો હોવાથી આગ ઝડપથી પ્રસરી રહી છે. જેથી આસપાસના વિસ્તારને કોર્ડન કરી લેવામાં આવ્યો છે.અને બુલડોઝરની મદદથી દિવાલ તોડીને આગ પર કાબુ મેળવવા પ્રયાસો હાથ ધરવામાં આવી રહ્યાં છે.