ઉકાઈ ડેમ ના ઉપરવાસમાં પડેલ વરસાદ ને લઈ ડેમમાં પાણી ની આવક થતા તા.20મી ઓગસ્ટ નારોજ ડેમ ના સત્તાધીશો દ્વારા ડેમ ના 22 દરવાજા પૈકી 16 દરવાજા ખોલી તાપી નદી માં પાણી છોડવામાં આવી રહ્યું છે.

હવામાન વિભાગ ની આગાહી વચ્ચે પડી રહેલા વરસાદ ને પગલે ઉકાઈ ડેમ માં પાણી ની આવક થતા ડેમ ના સત્તાધીશો દ્વારા ડેમ નું રુલ લેવલ જાળવવા ડેમ ના 22 દરવાજા પૈકી, 16 ગેટ 6 ફૂટ ખોલી કુલ 16 દરવાજા વાટે 1 લાખ 76 હજાર કયુસેક પાણી તાપી નદીમાં છોડવામાં આવી રહ્યું છે,  જેને લઈ તાપી નદી ની આસપાસ આવેલ ગામો ને એલર્ટ કરવામાં આવ્યા છે. હાલ ઉકાઈ ડેમની સપાટી પર એક નજર કરીએ તો તા.20મી ઓગસ્ટ નારોજ સાંજ ના 6:00 વાગ્યા સુધી ઉકાઈ ડેમની સપાટી 333.57 ફૂટ પર પહોચી છે. જયારે ડેમમાં પાણી આવક 89705 કયુસેક છે. તેની સામે 1,76,227 કયુસેક જેટલું પાણી તાપી નદીમાં છોડવામાં આવી રહ્યું છે.