તાપીમિત્ર ન્યુઝ,વ્યારા:વ્યારાના ટીચકપુરા ગામની સીમ માંથી પસાર હાઇવે માર્ગ ટ્રક અને બ્રેઝા ગાડી વચ્ચે અકસ્માત થયો હતો.ટ્રક ની ટક્કર લાગવાથી બ્રેઝા ગાડી દુર ફેંકાઈ હતી,ગાડીમાં સવાર કામરેજના પટેલ પરિવારના તમામ સભ્યોનો ચમત્કારી બચાવ થયો હતો.બનાવ અંગે વ્યારા પોલીસ દ્વારા ફરિયાદના આધારે કાયદેસરની કાર્યવાહી હાથ ધરવામાં આવી છે. વ્યારા-બાજીપુરા નેશનલ હાઇવે માર્ગ પર આવતું ટીચકપુરા પાસે ત્રણ રસ્તા પાસે આજરોજ બપોરે ૩:૩૦ કલાકના ટ્રક નંબર જીજે-૨૬-ટી-૭૩૩૩નો ચાલક પુરપાટ ઝડપે અને ગફલતભરી રીતે હંકારી લાવી અચાનક ટ્રક વાળી બ્રેઝા ગાડી નંબર જીજે-૫-આરબી-૭૦૩૯ ને ડ્રાઈવર સાઈડે ટ્રક ચાલકે જોરદાર ટક્કર મારી હતી.જેના કારણે બ્રેઝા ગાડી દુર ફેંકાઈ ગઈ હતી.ગાડીમાં સવાર અંકિતાબેન ને જમણા હાથ ઉપર ઈજા પહોંચી હતી,તથા ગાડીમાં બેસેલ રંજનબેન દલસુખભાઈ પટેલ તથા ડ્રાઈવર રમેશભાઈ હીરાભાઈ પટેલ તથા બે નાની બાળકીઓ જેમાં હીનાબેન(ઉ.વ.૭)તથા હેમાબેન(ઉ.વ.૪) શરીરે કોઈ ઈજા થઇ ના હતી.અકસ્માતમાં ઈજાગ્રસ્ત અંકિતાબેન ને વ્યારા જનરલ હોસ્પિટલમાં સારવાર અર્થે ખસેડવામાં આવ્યો હતો.બનાવ અંગે અશ્વિનભાઈ દલસુખભાઈ પટેલ રહે,નવાગામ વચલું ફળિયું,કામરેજ-સુરત નાઓએ વ્યારા પોલીસને ફરિયાદ કરી હતી જેમની ફરિયાદને આધારે અજાણ્યા ટ્રક ચાલક વિરુધ્ધ ગુન્હો રજીસ્ટર કરી આગળની વધુ તપાસ હાથ ધરવામાં આવી છે.અત્રેઉલ્લેખ્નીય છે કે,બનાવની જગ્યા પર અકસ્માત સર્જાતા હોવાના કિસ્સામાં સતત વધારો થઇ રહ્યો છે.ત્યારે તંત્રના જવાબદાર અધિકારીઓ દ્વારા ઘટના સ્થળનું નિરીક્ષણ કરી યોગ્ય કામગીરી હાથ ધરે તે જરૂરી બન્યું છે.