Tapi mitra news:મુખ્યમંત્રી શ્રી વિજયભાઈ રૂપાણીના હસ્તે આજે ઐતિહાસિક રામ મંદિર ભૂમિ પૂજનના પાવન દિવસ નિમિત્તે ગાંધીનગર ખાતેથી ગુજરાત ટપાલ વિભાગના ઉપક્રમે  ખાસ  પિકટોરિઅલ કેન્સલેશન કેચેટ લોન્ચ કરવામાં આવ્યો હતો.મુખ્યમંત્રીશ્રી વિજયભાઈ રૂપાણી દ્વારા લોન્ચ કરવામાં આવેલ  આકષૅક કેન્સલેશન કેચેટ ગુજરાતમાં G.P.O. અમદાવાદ, એચ.ઓ. વડોદરા અને એચ.ઓ. રાજકોટ એમ ત્રણેય ફિલાટેલી બ્યુરોઝ ખાતે એક સાથે પ્રકાશિત કરવામાં આવી છે.ગુજરાતમાં ફિલાટેલિનો શોખ ધરાવનાર માટે આ વિશેષ પિક્ટોરિઅલ કેન્સલેશન  ખૂબ  મહત્વપૂર્ણ સાબિત થશે. ગુજરાત ટપાલ વિભાગ દ્વારા કોઈપણ ઐતિહાસિક પ્રસંગની યાદમાં ખાસ પિક્ટોરિઅલ  પ્રકાશિત કરવામાં આવે છે તેમ આ પ્રસંગે ઉપસ્થિત ગુજરાતના મુખ્ય પોસ્ટ માસ્ટર જનરલ શ્રી અશોક કુમાર પોદ્દારે જણાવ્યું હતું.