Tapi mitra news:વલસાડ જિલ્લાના ભિલાડ ફાયરિંગ બટ વિસ્‍તારમાં કમાન્‍ડન્‍ટ ઓયિસર, બાર્ક, ટેપ્‍સ, તારાપુર મહારાષ્‍ટ્રના અધિકારી/ કર્મચારીઓની ફાયરિંગ પ્રેક્‍ટિસ તા.૧૬/૦૯/૨૦ થી ૧૮/૦૯/૨૦ દરમિયાન સવારે ૭-૦૦ થી સાંજના ૪-૩૦ કલાક સુધી યોજાશે. આ ફાયરિંગ પ્રેક્‍ટિસ દરમિયાન કોઇપણ વ્‍યકિતને ઇજા ન થાય તે હેતુસર વલસાડના અધિક જિલ્લા મેજિસ્‍ટ્રેટ એન.એ.રાજપૂતે એક જાહેરનામા દ્વારા ફાયરિંગ બટ ભીલાડ તા.ઉમરગામ જિ.વલસાડના ર કિ.મી. વિસ્‍તારમાં ઉપરોકત સમય અને તારીખે આજુબાજુના રહીશો તેમજ બહારના કોઇ અનઅધિકૃત વ્‍યકિતઓને આ જમીનની હદ વિસ્‍તારમાં પ્રવેશ કરવા અથવા હદમાં ફરવા તેમજ કોઇપણ ઢોર માલિકો તેમના ઢોર-ઢાંખરને લઇને પ્રવેશ કરવા ઉપર મનાઇ ફરમાવી છે. ગોળીબાર પ્રેક્‍ટિસ દરમિયાન ગોળીબારથી ઇજા ન થાય તે માટે જાહેર જનતાને સાવચેત રહેવા પણ જણાવાયું છે. આ હુકમનો ભંગ કરનાર શિક્ષાને પાત્ર બનશે.