તાપીમિત્ર ન્યુઝ,વ્યારા:વ્યારા-બાજીપૂરા નેશનલ હાઇવે માર્ગ ઉપર બે વચ્ચે થયેલ અકસ્માતમાં ત્રણ યુવકોને ગંભીર ઇજા પહોંચી હતી.બનાવને પગલે રાહદારીઓ અને બાઈક ચાલકોની ભીડ જામી હતી. મળતી માહિતી અનુસાર તા.૫મી જૂન ના રોજ વ્યારા-બાજીપૂરા નેશનલ હાઇવે માર્ગ નંબર ૫૩ ઉપર રાત્રે ૮:૦૦ કલાકના અરસામાં બે બાઈક વચ્ચે થયેલ અકસ્માતમાં ત્રણ બાઈક ચાલકોને શરીરે ઇજા પહોંચી હતી.બનાવમાં ઇજાગ્રસ્ત યુવકોને સારવાર અર્થે ખસેડવા માટે રાહદારીઓએ ૧૦૮ અને સ્થાનિક પોલીસને જાણ કરી હતી.જેમાં સુનીલભાઈ ગામીત રહે,પનિયારી-વ્યારા અને વીરેનભાઈ વસાવા રહે ,ઉમરપાડા તેમજ અન્ય એક યુવાનને શરીરે ઇજા પહોંચી હોવાનું જણાવ્યું હતું.આ લખાઈ છે ત્યાં સુધી કોઈ પોલીસ ફરિયાદ નોંધાઇ નથી.તેમજ ઈમરજન્સી સેવા૧૦૮ને જાણ કરવામાં આવી છે. અને ઇજાગ્રસ્તોને સારવાર અર્થે ખસેડવા માટે પ્રયાસો હાથ ધરવામાં આવ્યા હતા.