Tapi mitar news:ચોકબજાર વિસ્તારમાં રહેતી યુવાન પરિણીતાને સંબંધી યુવાન પતિને જાનથી મારી નાખવાની ધમકી આપી બાઈક ઉપર બેસાડી લઇ ગયો હતો અને દુષ્કર્મ આચરી ફરી તેને ઘરે મૂકી ફરાર થઈ ગયો હતો. બનાવ અંગે ચોકબજાર પોલીસે દુષ્કર્મનો ગુનો નોંધી તપાસ હાથ ધરી છે. ચોકબજાર વિસ્તારમાં રહેતી યુવાન પરિણીતા પાસે  ચોકબજાર કોઝવે ઝુપડપટ્ટીમાં રહેતો સંબંધી યુવાન રમેશભાઇ ઉર્ફે રવિ ઉર્ફે રમલો વનાભાઇ દેવીપુજક ગત સવારે ૧૧ વાગ્યે પોતાની બાઈક લઇને આવ્યો હતો અને પરિણીતાને બાઈક ઉપર પાછળ બેસી જવા કહ્યું હતું. પરિણીતાએ ના પાડતા રમેશભાઇ ઉર્ફે રવિ ઉર્ફે રમલાએ પરિણીતાને તારાપતિને જાનથી મારી નાખીશ તેવી ધમકી આપી બળજબરી કરતા પરિણીતા બાઈક ઉપર બેસી ગઈ હતી. બાદમાં રમેશભાઇ ઉર્ફે રવિ ઉર્ફે રમલો પરિણીતાને લઇ ગયો હતો અને દુષ્કર્મ આચરી બાદમાં તેને ઘરે મૂકી ફરાર થઇ ગયો હતો. બનાવ અંગે પરિણીતાએ મોડીરાત્રે રમેશભાઇ ઉર્ફે રવિ ઉર્ફે રમલો વિરૂદ્ધ ચોકબજાર પોલીસ મથકમાં અપહરણ અને દુષ્કર્મની ફરિયાદ નોંધાવતા પોલીસે વધુ તપાસ હાથ ધરી છે