Tapi mitra news:કોરોના પોઝિટિવ દર્દીઓની સંખ્યા છેલ્લા ૧૫ દિવસથી વધવાના કારણે પાલિકા દ્વારા અનેક પગલાઓ લેવામાં આવી રહ્યા છે. તેમ છતાં સુરતમાં કેસોની સંખ્યા વધી રહી છે. છેલ્લાં ૧૫ દિવસમાં સુરતમાં લગભગ ૧,૨૭૫ થી વધુ કેસો નોધાતા તંત્રની ઉંઘ હરામ થઇ ગઇ છે. મહાનગરપાલિકા અને જિલ્લા તંત્ર દ્વારા જાહેર કરાયેલા આંકડા મુજબ શહેરમાં ગુરૂવારે બપોરના ૧૨ વાગ્યા સુધી સુધી નવા ૪૬ અને જીલ્લામાં ૧૩ પોઝિટિવ કેસો નોધાયા છે. આ સાથે ૩,૧૫૪ કેસો નોધાઇ ચુક્યા છે. અત્યાર સુધી મૃત્યુઆંક ૧૧૮ થયો છે. કોરોના સામે અત્યાર સુધીમાં ૨,૦૯૫ વ્યક્તિઓએ કોરોનાને મ્હાત આપી છે. હાલ સુરતમાં ૮૬૨ જેટલાં કેસો સક્રિય છે. લોકો લોકડાઉન પુર્ણ થયા બાદ ઘરની બહાર નિકળી કામ ધંધે નિકળતાં કોવિડ ૧૯ની ગાઇડ લાઇન એટલે સોશ્યલ ડિસ્ટન્સનો અભાવ , માત્ર ફેશન પુરતુ માસ્ક પહેરવુ અને વારંવાર હાથ ન ધોવાના કારણે સુરત શહેરમાં છેલ્લાં ૧૨ દિવસથી કોરોના વાયરસનો કહેર વર્તાઇ રહ્ના છે. છેલ્લાં ૧૫ દિવસમાં ૧,૨૭૫ થી વધુ કેસ નોધાયા હતા. જેના કારણે સુરતમાં  રેકોર્ડ બ્રેક કેસો મળતા પાલિકા તંત્રમાં ચિંતા દેખાઇ રહી છે. ગુરૂવારે બપોરના ૧૨ વાગ્યા સુધી અધધ નવા ૪૬ કેસો સામે આવતા તંત્રની ઉંઘ હરામ થઇ ગઇ છે. સુરત જીલ્લાના કામરેજમાં ૩ , પલસાણામાં ૪ , ચોર્યાસીમાં બે અને ઓલપાડમાં ૪ કેસ મળી કુલ ૧૩ કેસ નોધાયા છે. આમ જીલ્લામાં અત્યારે કુલ કેસ ૨૬૭ નોધાયા છે. સુરતમાં અત્યાર સુધી ૩,૧૪૧ કેસો થયા છે. તેની સામે ૨,૦૯૫ લોકો સાજા પણ થયા છે. આમ ભારતમાં ડિસ્ચાર્જ અને રીકવરી રેટ સૌથી સારો રહ્ના છે. સુરતનો રીકવરી રેટ ૬૯ ટકા છે. આમ સુરત શહેરમાં કોરોનાથી અત્યાર સુધી ૧૧૮ ના મોત થયા છે. સાંજ સુધી કોરોના વાયરસનો આંક વધીને ૬૫ થી વધુ થવાની શકયતા દેખાઇ રહી છે. સુરતમાં નોધાઇ રહેલા કેસોની વાત કરીએ તો કતારગામ ઝોન સૌથી હોટ ફેવરીટ ચાલુ રહ્ના છે. મોટે ભાગે રત્ન કલાકારોને ચેપ લાગી રહ્ના છે. સેન્ટ્રલ ઝોન , વરાછા એ , વરાછા બી અને ઉધના ઝોનમાં કેસો વધી રહ્ના છે.  કતારગામ ઝોનમાં સુરત મહાનગર પાલિકાની તમામ ટીમો જાતરાઇ ગઇ છે. નવા નોધાયેલા કેસોમાં કતારગામ ઝોનના ૧૦ થી ૧૨ રત્ન કલાકારોને ચેપ લાગ્યો હોવાનું સામે આવ્યુ છે. આ ઉપરાંત કોરોના વોરીયર્સ , વેપારી વગેરે પણ સંક્રમણ થયા છે.