Tapi mitra news:કોરોનાની મહામારીના કારણે વિદ્યાથીઓના સ્વાસ્થ્ય ને લઈને પરીક્ષા મોકૂફ કરવા માટે થઈ રહેલા વિરોધમાં એનએસયુઆઇના કાર્યકરો જ્યાં સુધી પરીક્ષા મોકૂફનો પરિપત્ર રદ નહિ થાય ત્યાં સુધી કુલપતિની ઓફીસની બહાર ધરણા પર બેઠા છે. આગામી ૨૫ મી જૂનથી નર્મદ યુનિવર્સિટી દ્વારા પરીક્ષાનો કાર્યક્રમ જાહેર કરાયો છે.જેને લઇને એબીવીપી,એનએસયુઆઇ તથા સેનેટ સિન્ડિકેટ સભ્યો દ્વારા જોરદાર વિરોધ થઈ રહ્યો છે. જેમાં એનએસયુઆઇએ ૨૪ કલાકનું અલ્ટીમેટમ આપ્યા બાદ બુધવારે સવારથી એનએસયુઆઇના ભાવેશ રબારી, મનીષ દેસાઈ સહિતના કાર્યકરો કુલપતિની ઓફીસની બહાર ધરણા પર બેસી ગયા છે.તેમના જણાવ્યા મુજબ,કોરોનાના કારણે વિદ્યાથીઓને પરીક્ષા આપવી મુશ્કેલ છે. આથી અમો એ માંગ કરી હતી કે ક્યાં તો માસ પ્રમોશન અપાવું ક્યાતો ઓનલાઇન પરીક્ષા લેવી જોઇએ.અને આ બંનેમાંથી કોઈ વિકલ્પ નહિ હોય તો પરીક્ષા મોકૂફ રાખવી જોઇએ. પરંતુ યુનિવર્સિટી દ્વારા કોઈ હુકમ નહીં થતાં બુધવારે ધરણા પર બેઠા છે. અને જ્યાં સુધી કુલપતિ ૨૫ મી શરૂ થનારી પરીક્ષા રદ કરવાનો પરીપત્ર જાહેર કરવામાં નહીં આવે ત્યાં સુધી એનએસયુઆઇના કાર્યકરો કુલપતી ઓફિસમા ધરણા પર બેસી રહીને વિરોધ શરૂ કરવાનું નક્કી કર્યું છે.