તાપીમિત્ર ન્યુઝ,સોનગઢ:સોનગઢના શિવાજી નગરમાં પરિણીતા પર અત્યાચાર કરનાર પતી અને સસરા વિરૂધ્ધ પરિણીતાએ સોનગઢ પોલીસ મથકે ફરિયાદ કરી હોવાનો કિસ્સો સામે આવ્યો છે.બનાવ અંગે પોલીસ દ્વારા તપાસ હાથ ધરવામાં આવી છે. સોનગઢ-નવાગામના શિવાજી નગર વિસ્તારમાં રહેતી પરિણીતા ઉપર ત્રણ વર્ષથી કરવામાં આવતા અત્યાચાર અને ત્રાસ થી કંટાળી જઈ પરિણીતાએ આખરે હિમ્મત દાખવી પતિ અને સસરા વિરૂધ્ધ પોલીસ મથકે ફરિયાદ કરી હોવાનો કિસ્સો પ્રકાશમાં આવ્યો છે.શિવાજીનગરમાં રહેતા વિનોદભાઈ અજીતભાઈ ગામીતે અવારનવાર માનસિક ત્રાસ આપી ગમેતેમ ગાળો બોલી પરિણીતાને તા.૨૦મી મે નારોજ લોખંડના ખાટલાથી મારમારી ઈજા પહોંચાડી હતી તેમજ સસરા એવા અજીતભાઈ ગામાભાઈ ગામીતે પણ અવારનવાર દહેજ પેટે પૈસાની માંગણીઓ કરતા હોવાની ફરિયાદ જલ્પાબેન વિનોદભાઈ ગામીત હાલ રહે,જુનાગામ પારેખફળિયું-સોનગઢ નીએ સોનગઢ પોલીસ મથકે કરી હતી.જેમની ફરિયાદને આધારે પોલીસે પતિ અને સસરા વિરૂધ્ધ ગુન્હો રજીસ્ટર કરી આગળની વધુ તપાસ ASI દીનજીભાઈ કરી રહ્યા છે.   High light:tapimitra.com અને તાપી જિલ્લાનું એકમાત્ર નિડર અને નિષ્પક્ષ સત્યને ઉજાગર કરતું તાપીમિત્ર સાપ્તાહિક અખબારના બ્રોડકાસ્ટિંગ ગૃપ માં જોડાવા માટે 7820092500 નંબર પર આપનું અને આપના ગામના નામ સાથે NEWS લખી મોકલો.જેમાં આપને જાણવા મળશે મહત્વના દરેક અપડેટ્સ અને માત્ર અને માત્ર સમાચારો......