તાપીમિત્ર ન્યુઝ,વ્યારા:તા.૦૧/૦૬/૨૦૧૮થી તા.૧૫/૦૬/૨૦૧૮ સુધીમાં સોનગઢ તાલુકાના ઉકાઇ પોલીસ મથકની હદમાં આવતા શેરૂલાના ફાયરિંગ બટ વિસ્તારમાં તાપી જિલ્લા પોલીસના અધિકારી કર્મચારીઓની અર્ધવાર્ષિક ફાયરિંગ પ્રેકટીશ યોજવામાં આવી છે.જેને અનુલક્ષીને તાપી જિલ્લાના અધિક જિલ્લા મેજીસ્ટ્રેટ બી.બી.વહોનિયાએ આજુબાજુ રહેતા પ્રજાજનોની સલામતિ ખાતર તા. ૦૧/૦૬/૨૦૧૮ થી તા. ૧૫/૦૬/૨૦૧૮ સુધીમાં શેરૂલાના ફાયરિંગ બટ વિસ્તારની આજુબાજુના ૧૦૦૦ મીટર પરિઘના વિસ્તારમાં આજુબાજુ રહેતા પ્રજાજનો, બહારના કોઇ અનધિકૃત વ્યક્તિઓ કે ઢોર માલિકોને ઢોર-ઢાંખર લઇ પ્રવેશવા માટે પ્રતિબંધ ફરમાવ્યો છે.આ હુકમનો ભંગ કરનાર સજાને પાત્ર થશે એમ અધિક જિલ્લા મેજીસ્ટ્રેટ તરફથી જણાવાયું છે.