તાપીમિત્ર ન્યુઝ,વ્યારા:તા.૨૬મી મે નારોજ,વ્યારા તાલુકાના જેસિંગપુરા ગામના સામરી ફળિયામાં રાજેશભાઈ નારસિંગભાઈ ચૌધરી (ઉ.વ.૪૨)ની કોઈ અજાણ્યા હત્યારાએ ઓઢણી વડે ગળે ટૂંપો આપી હત્યા કરી હોવાનો બનાવ વ્યારા પોલીસ ચોંપડે નોંધાયો હતો.ટીનાબેન રાજેશભાઈ ચૌધરીની ફરિયાદ ને આધારે અજાણ્યા શખ્સ વિરુધ્ધ ગુન્હો દાખલ કરવામાં આવ્યો હતો.સમગ્ર ઘટના તલસ્પર્શી તપાસ હાથ ધરવામાં આવતા પત્નીએ જ પતિની હત્યા કરી હોવાનું પોલીસ તપાસમાં બાહર આવ્યું છે. મળતી માહિતી અનુસાર,ડીવાયએસપી-તાપી મુકેશભાઈ પટેલના સુપરવિઝન હેઠળ વ્યારા પોલીસ સ્ટેશનના પીઆઈ આર.એસ.પટેલ દ્વારા હત્યાની ઘટનામાં ઊંડાણ પૂર્વક પુછપરછ કરી તપાસ હાથ ધરવામાં આવી હતી.જેમાં ચોકવનારો ખુલાસો બાહર આવ્યો છે.જેની હત્યા કરી નાખવામાં આવી હતી તેની જ પત્ની ટીનાબેન રાજેશભાઈ ચૌધરીએ પોતેજ હત્યા કરી હોવાનું પોલીસ તપાસમાં બાહર આવ્યું છે.તેનો પતિ રાજેશભાઈ નારસિંગભાઈ ચૌધરી કોઈ કામધંધો કરતા ન હોય અને કાયમ શક વહેમ રાખી ગાળાગાળી કરી ઝગડો કરતો હોય,તા.૨૬મી મે નારોજ રાત્રીના સમયે નવેક વાગ્યાના અરસામાં ટીનાબેન ચૌધરી પોતાના ઘરની પાસે આવેલ આંબલીના ઝાડ નીચે બેસી ગાયો માટે મકાઇના છોડના ટુકડા કરતી હોય ત્યારે રાજેશભાઈ ચૌધરી ત્યાં આંબલીના ઝાડ નીચે પલંગ ઉપર સુતેલા હતા ત્યારે તેણે લાત મારી ગાળો આપતા ટીનાબેન ને ગુસ્સો આવી જતા આંબલીના ઝાડ નીચે તાર ઉપર પોતાની જૂની મરૂન કલરની ઓઢણી કાઢી રાજેશ ચૌધરીના ગળે તે ઓઢણીનો ટુપો આપી હત્યા કરી હોવાનું પોલીસ તપાસમાં બાહર આવ્યું છે.હત્યા કરી હોવાનું પોલીસ સમક્ષ કબુલાત કરતા તા.૨૯મી મે ૨૦૧૮ નારોજ ટીનાબેન રાજેશભાઈ ચૌધરીની અટક કરવામાં આવી છે.સમગ્ર ઘટનાની તપાસમાં વ્યારા પોલીસ સ્ટેશનના પીઆઈ આર.એસ.પટેલ તેમજ પોકો-જીતેશભાઈ મંછુભાઈ,પોકો વિજયભાઈ બબાભાઈ તેમજ પોકો-વિનોદભાઈ પ્રતાપભાઈ નાઓએ ટુક સમયમાં હત્યાના ગુન્હેગારને શોધી કાઢવામાં મહત્વની ભૂમિકા ભજવી ઉમદા કામગીરી કરી છે.  

High light:આંબલીના ઝાડ નીચે બેસી ગાયો માટે મકાઇના છોડના ટુકડા કરતી હોય ત્યારે રાજેશભાઈ ચૌધરી ત્યાં આંબલીના ઝાડ નીચે પલંગ ઉપર સુતેલા હતા ત્યારે તેણે લાત મારી ગાળો આપતા ટીનાબેન ને ગુસ્સો આવી જતા આંબલીના ઝાડ નીચે તાર ઉપરથી પોતાની ઓઢણી કાઢી રાજેશ ચૌધરીના ગળે તે ઓઢણીનો ટુપો આપી હત્યા કરી હોવાની પોલીસ સમક્ષ કબુલાત. High light:tapimitra.com અને તાપી જિલ્લાનું એકમાત્ર નિડર અને નિષ્પક્ષ સત્યને ઉજાગર કરતું તાપીમિત્ર સાપ્તાહિક અખબારના બ્રોડકાસ્ટિંગ ગૃપ માં જોડાવા માટે 7820092500 નંબર પર આપનું અને આપના ગામના નામ સાથે NEWS લખી મોકલો.જેમાં આપને જાણવા મળશે મહત્વના દરેક અપડેટ્સ અને માત્ર અને માત્ર સમાચારો......