તાપીમિત્ર ન્યુઝ,સોનગઢ;સોનગઢના ટીચકિયા ગામના કસર ફળિયા પાસે એક સ્વીફ્ટ કાર ઝાડ સાથે અથડાતા કાર ચાલક સહિત ત્રણ ઈસમોને સારવાર અર્થે વ્યારા ખાતે ખસેડવામાં આવ્યા જ્યાં ટુકી સારવાર બાદ ૩૫ વર્ષીય કાર ચાલક શિક્ષકનું મોત નીપજ્યું હતું.બનવા અંગે સોનગઢ પોલીસે તપાસ હાથ ધરી છે.બનાવના પગલે ડોલારા ગામ સહિતના વિસ્તારમાં શોકની લાગણી પ્રસરી જવા પામી હતી. મળતી માહિતી અનુસાર તા.૨૯મી મે,મોડી રાત્રે આશરે ૨:૪૫ કલાકના અરસામાં સોનગઢ તાલુકાના ટીચકિયા ગામના કસર ફળિયા પાસે હનુમંતીયા થી ટીચકિયા તરફ જતા માર્ગ ઉપર પુરપાટ ઝડપે અને ગફલતભરી રીતે હંકારી લાવી એક સ્વીફ્ટ કાર નંબર જીજે-૨૬-એ-૮૬૪૯ ના ચાલકે પોતાની ગાડી ઉપરનો કાબુ ગુમાવી રોડની સાઈડમાં આવેલ ઝાડ સાથે અથડાવી દઈ અયુબભાઈ નટુભાઈ ગામીત તથા હર્ષદભાઈ શૈલેશભાઈ ગામીત બંને રહે,ખ્રિસ્તીફળિયું,ડોલારા-વ્યારા,નાઓને શરીરે ઈજાઓ પહોંચી હતી.આ બનાવમાં કાર ચાલક શિક્ષક અનીલભાઈ નારણભાઈ ગામીત (ઉ.વ.૩૫) રહે,ખ્રિસ્તીફળિયું,ડોલારા-વ્યારાને માથાના ભાગે ગંભીર ઈજા પહોચતા વ્યારા રેફરલ હોસ્પિટલ ખાતે સારવાર અર્થે ખસેડવામાં આવ્યો હતો જ્યાં ટુકી સારવાર બાદ અનીલભાઈ ગામીતનું મોત નીપજ્યું હતું.બનાવ અંગે હર્ષદભાઈ શૈલેશભાઈ ગામીતે સોનગઢ પોલીસ મથકે ફરિયાદ કરી જેના આધારે ગુન્હો દાખલ કરી આગળની વધુ તપાસ ASI શાંતિલાલભાઈ કરી રહ્યા છે.   high light- tapimitra.com અને તાપી જિલ્લાનું એકમાત્ર નિડર અને નિષ્પક્ષ સત્યને ઉજાગર કરતું તાપીમિત્ર સાપ્તાહિક અખબારના બ્રોડકાસ્ટિંગ ગૃપ માં જોડાવા માટે 7820092500 નંબર પર આપનું અને આપના ગામના નામ સાથે NEWS લખી મોકલો.જેમાં આપને જાણવા મળશે મહત્વના દરેક અપડેટ્સ અને માત્ર અને માત્ર સમાચારો......