ઈકરામ મલેક દ્વારા રાજપીપળા:હાલ લોડાઉન માં રાજપીપળા શહેર માં જુગાર ચાલતો હોવાની LCB ને બાતમી મળતા ભાટવાડા વિસ્તારના એક મકાનમાં રેડ કરતા ત્યાં જુગાર રમતા ચાર જુગારીયાઓ ને મુદ્દામાલ સાથે ઝડપી LCB એ કાર્યવાહી કરી હતી. નર્મદા જિલ્લા પોલીસ વડા હિમકર સિંહના માર્ગદર્શન મુજબ નર્મદા જિલ્લા માં દારૂ જુગાર પર પોલીસ સતત નજર રાખતી હોઈ આજરોજ રાજપીપળા ના ભાટવાડા વિસ્તાર ના એક ઘરમાં અમુક લોકો જુગાર રમતા હોવાની નર્મદા LCB ને બાતમી મળતા LCB પીએસઆઇ સી.એમ.ગામીતે ટિમ સાથે ત્યાં રેડ કરતા આ મકાનમાં જુગાર રમતા ચાર વ્યક્તિઓ પૈકી રાજેન્દ્રસિંહ મોહનસિંહ બારીયા રહે.ભાટવાડા,ફિરોજ ઇસ્માઇલભાઇ શેખ રહે.કસ્બાવાડ,આકાશ અશોકભાઇ વસાવા રહે.સિંધીવાડ રબારી ફળીયુ,અને ભાવિક ઉર્ફે ભુરીયો વિનોદભાઇ દોષી રહે.ભાટવાડા રાજપીપળા ને જુગાર રમતા ઝડપી લીધા હતા તેમની પાસેથી રોકડ રૂપિયા ૧૪,૭૫૦/- તેમજ મોબાઈલ નંગ-૫ જેની કિંમત રૂ.૧૯,૫૦૦/-તથા મો.સા.નંગ-૨ કિંમત રૂ.૮૦,૦૦૦/-મળી કુલ રૂપિયા ૧,૧૪,૨૬૦/- નો મુદ્દામાલ કબજે કરી ચારેય વિરુદ્ધ કાયદેસર કાર્યવાહી કરી હતી.