Tapi mitra News-કોરોના વાયરસના કારણે સમગ્ર દેશમાં લોકડાઉનની પરિસ્‍થિતિ હોઇ આવા કપરા સમયે વલસાડ જિલ્લામાં સેવાભાવી સંસ્‍થાઓ આગળ આવી જરૂરિયાતમંદ લોકોને જીવનજરૂરિયાતની ચીજવસ્‍તુઓ પૂરી પાડવામાં આવી રહી છે. વલસાડ જિલ્લાના ધરમપુર તાલુકાના વાંઝલટ અને પોંઢાજંગલના અંતરિયાળ ગામોમાં વહીવટીતંત્ર દ્વારા ગરીબ અને જરૂરિયતમંદોને શાકભાજી (ડુંગળી, બટાટા) તથા અનાજકીટોનું વિતરણ કરાયું હતું. આમ આપત્તિના સમયે સેવાભાવી સંસ્‍થાઓ વહીવટીતંત્ર સાથે સંકલન કરીને લોકોની મદદ કરી કરી રહી છે.