તાપીમિત્ર ન્યુઝ,સોનગઢ:સોનગઢ આરટીઓ ચેકપોસ્ટ નજીકથી સ્ટેટ મોનીટરીંગ સેલ-ગાંધીનગરની ટીમે હરિયાણા બનાવટનો ઈંગ્લીશ દારૂ ભરેલી એકસેન્ટ કાર ઝડપી પાડી છે.આ બનાવમાં કારમાં સવાર બે ઈસમ દારૂ ભરેલી કાર છોડી ભાગી ગયા હતા.કાર અને ઈંગ્લીશ દારૂ સહિત રૂપિયા ૫ લાખથી વધુનો મુદ્દામાલ જપ્ત કરવામાં આવ્યો છે. મળતી વિગતો અનુસાર તાપી જિલ્લાના સોનગઢ આરટીઓ ચેકપોસ્ટ નજીક તા.૨૬મી મે નારોજ,બાતમીને આધારે વોચ ગોઠવીને બેઠેલા સ્ટેટ મોનીટરીંગ સેલ-ગાંધીનગરની ટિમને હરિયાણા બનાવટનો ઈંગ્લીશ દારૂ ઝડપી પાડવામાં સફળતા મળી છે.આરટીઓ ચેકપોસ્ટ નજીક પાંખરી જવાના રસ્તા પાસે સવારે આશરે ૬:૩૦ કલાકના અરસામાં એક હુંડાઈ કંપનીની એકસેન્ટ કાર નંબર એમએચ-૦૨-કેએલ-૫૪૮૬ ને ફિલ્મી ઢબે રોકવાનો પ્રયાસ કરવામાં આવ્યો હતો.કારમાં ઈંગ્લીશ દારૂ ભરેલ હોય કાર લઈને ભાગવામાં સફળ ન રહેતા અંતે કાર મૂકી બુટલગરો નાસી છૂટ્યા હતા.કારમાં તપાસ કરતાં જુદીજુદી બનાવટનો હરિયાણાનો ઈંગ્લીશ દારૂ મળી આવ્યો હતો.જેમાં રોયલ સ્ટેજ પ્રીમિયમ વિસ્કી,મેકડોલ વિસ્કી,ઓફિસર ચોઇસ વિસ્કીના બોક્સ નંગ-૪૬ કુલ બાટલીઓ નંગ-૨૨૫૮ જેની કિંમત રૂપિયા ૨,૬૭૩૫૦/- તેમજ એકસેન્ટ કારની કિંમત રૂપિયા ૩ લાખ મળી કુલ રૂપિયા ૫,૬૭૩૫૦/- ની મુદ્દામાલ જપ્ત કરવામાં આવ્યો હતો.આ બનાવમાં દારૂ ભરેલી કાર છોડી ફરાર થઇ જનાર બે ઈસમો અને પિન્ટુ ઉર્ફે ગૌરખ ભીમરાવ ગડરી રહે,દેવળફળિયું નવાપુર-નંદુરબાર(મહારાષ્ટ્ર) સહિત કુલ ત્રણ જણાને પોલીસ ચોંપડે વોન્ટેડ જાહેર કરવામાં આવ્યા છે.ઉચ્છલ પોલીસ મથક ની હદમાં દારૂ પકડાયો હોવાને કારણે અહેકો દેવશી જ્યોર્જ બકકલ નંબર-૬૮૪ (નોકરી-સ્ટેટ મોનીટરીંગ સેલ-ગાંધીનગર)નાએ ઉચ્છલ પોલીસ મથકે ફરિયાદ કરી છે.જેના આધારે આગળની વધુ તપાસ પી એસઆઈ બી.સી.સોલંકી નાઓ કરી રહ્યા છે.