તાપીમિત્ર ન્યુઝ,સોનગઢ:સોનગઢ બોરદા માર્ગ ઉપર એક બાઈક પુલ ઉપરથી નીચે ખાડામાં ખાબકતા બાઈક ચાલકનું ઘટના સ્થળ પરજ મોત નીપજ્યું હોવાનો બનાવ સોનગઢ પોલીસના ચોંપડે નોંધાયો છે. મળતી માહિતી મુજબ તા.૨૫મી મે નારોજ,સોનગઢ તાલુકાના બોરદા માર્ગ પર આવતું સાતકાસી-ગોલણ ગામની સીમ માંથી મોટર સાઇકલ નંબર જીજે-૨૬-એમ-૨૬૬૬ લઇને માર્ગ પરથી પસાર થઈ રહેલા બિપિનભાઈ વામનભાઈ ગામીત(ઉ.વ.૨૨)રહે,ડુંગરીફળિયું,નાનછલ-ઉચ્છલ નાએ પોતાની કબ્જાની બાઈક પૂરપાટ ઝડપે અને ગફલતભરી રીતે હંકારી લાવી પુલ પરથી નીચે ખાડામાં બાઈક ઉતારી દેતા તેના શરીરે અને માથાના પાછળના ભાગે ગંભીર ઇજા પહોંચતા ઘટના સ્થળ પરજ મોત નીપજ્યું હતું.બનાવ અંગે સંતુભાઈ નંદડીયાભાઈ ગામીત રહે,ડુંગરીફળિયું,નાનછલ-ઉચ્છલ નાએ સોનગઢ પોલીસ મથકે ફરિયાદ કરી હતી જેના આધારે ગુન્હો રજીસ્ટર કરી આગળની વધુ તપાસ અહેકો દશરથભાઈ ભૂપતભાઈ કરી રહ્યા છે.