તાપીમિત્ર ન્યુઝ,સોનગઢ:સોનગઢના અવતાર રેસીડેન્સી વિસ્તારમાં આવેલ એક બંદ મકાનું તાળું તોડી સોના-ચાંદી ના ઘરેણા સહિત રૂપિયા ૧ લાખથી વધુ મત્તાની ચોરી થઇ હોવાની સોનગઢ પોલીસ મથકે ફરિયાદ નોંધાઈ છે. સોનગઢના અવતાર રેસીડેન્સી એરિયામાં તા ૨૩મી મે ના રોજ તસ્કરોએ બંદ મકાનને નિશાન બનાવ્યું હતું.રેસીડેન્સી માં સાંઈ હોસ્પિટલ ની પાછળના ભાગે આવેલ ઘરના દરવાજાનું લોક તોડી ઘર માં મુકેલ કબાટના લોકરનો લોક તોડી લોકરમાં મુકેલ સોનાની વીંટી (બે નાની અને બે મોટી) આશરે દોઢ તોલા ની કિં.રૂ.૧૫,૦૦૦/-,તથા બે જોડી સોનાની બુટ્ટી આશરે દોઢ તોલાની કિ.રૂ.૧૫૦૦૦/-,તથા એક સોનાની ચેન આશરે બે તોલાની કી.રૂ.૩૦,૦૦૦/-,ચાર નંગ સોનાના પેન્ડલ આશરે એક તોલાના કિં.રૂ.૧૦,૦૦૦/-,બે જોડી ચાંદીના સાંકડા આશરે ૨૦૦ ગ્રામ કિં.રૂ.૭,૦૦૦/-,ચાંદીનો એક સેટ ૫૦ ગ્રામ કિં.રૂ.૧૦૦૦/-,ચાંદી ના સિક્કા આશરે ૧૦૦ થી ૧૫૦ જેટલા આશરે કિં.રૂ.૧૦,૦૦૦/-તથા રોકડ ૧૦,૦૦૦/-,તેમજ એલઈડી ટીવી કિં.રૂ.૧૫,૦૦૦/- મળી કુલ્લે રૂપિયા ૧,૧૩૦૦૦/- મત્તાની ચોરી થઇ હોવાની ફરિયાદ હરનીશભાઈ અશોકભાઈ બુંદેલાએ પોલીસને કરી હતી જેમની ફરિયાદ ને આધારે સોનગઢ પોલીસે અજાણ્યા ચોરટાઓ વિરૂધ્ધ ગુન્હો નોંધી તેમને શોધવા માટે ચક્રોગતિમાન કર્યા છે,આગળની વધુ તપાસ પીએસઆઈ વાય.પી.પટેલ કરી રહ્યા છે.(ફાઈલ તસ્વીર)