ઈકરામ મલેક દ્વારા રાજપીપળા:સાગબારા તાલુકા ના જાવલી ગામે આજ રોજ બપોરે સોર્ટસર્કીટ ને કારણે આગ લાગતા આદિવાસીઓના ચાર મકાનો જોતજોતામાં આગ ની ભયાનક જ્વાળાઓ મા લપટાઈ જતાં, બળી ને ખાખ થઈ જવા પામ્યાં હતા.ઘર મા રહેલી તમામ ઘરવખરી અને 14 પશુઓ આ આગ ની ઝપેટમાં આવી ગયાં હતાં, ફાયર ટેન્ડરો ના અભાવ વચ્ચે ગામ લોકો એ હેન્ડપંપો માથી પાણી હલાવી હલાવી ને ડોલ મા ભરી ને આગ ઓલવવા નો નિરર્થક પ્રયાસ કર્યો હતો જે અપુરતો નિવડતા, કોઢ ના ભાગે અડાળી મા બાંધેલા પશુઓ પાંચ ભેંસો બે બળદ અને સાત બકરા હોમાઈ ગયાં હતાં.આ બાબત ની જાણ થતાં સાગબારા ટી.ડી.ઓ અને સાગબારા ના નાયબ મામલતદાર દોડી ગયાં હતા, અને ફાયર બ્રિગેડ ના અભાવ વચ્ચે લાખો ના નુકશાન નો અંદાજ કાઢ્યો હતો.નર્મદા જીલ્લા ના ડેડીયાપાડા તા. ના ગિચડ ગામ ની આગ ની ઘટના બાદ સતત આ બિજી ઘટના સામે આવી છે અને ફાયર બ્રિગેડની સુવિધા વેળાસર મળી હોત તો નુકશાન ઘટાડી શકાયું હોત તંત્ર આ ખામી ઉડી ને આંખે વળગી હતી.