Tapi mitra News-ના ભૂખ્યા રહીશું અને ના રાખીશુંના ગુરુ મહારાજ ના ઉદેશથી રાજસ્થાનની પ્રભુ લક્ષ્મીનાથ મહારાજની સંસ્થાએ છેલ્લા ૨૬ દિવસમાં ૬.૫ લાખ લોકોને જમાડી માનવતાનું ઉદાહરણ આપ્યું છે. રોજના ૨૫-૩૦ હજાર લોકોના ભોજન માટે આ સંસ્થામાં ૭ રસોઈયા મહારાજ સહિત ૪૫ જણા સવારે ૫ વાગ્યાથી રસોડાના કામે લાગી જાય છે. જોકે, આટલા મોટા ભોજન બનાવવાના રસોડામાં શાક અને રોટલીનો લોટ મશીન પર તૈયાર થાય છે અને રોટલી બનાવવાનું ૧ મશીન દર કલાકે ૧ હજાર રોટલી શેકીને આપી દે છે એવી ૭ મશીન પર રોજની ૬૫ હજાર રોટલીઓ તૈયાર થાય છે. નવાઈની વાત એ છે કે આટલા મોટા રસોડામાં દરેક કામની અલગ અલગ વ્યક્તિને જવાબદારી સોંપાઈ હોવાથી કામ સરળ થઈ જતું હોવાનું અહીંના વહીવટદારો કહી રહ્યા છે. એટલું જ નહીં પણ પ્રભુ લક્ષ્મીનાથ મહારાજ નામની સંસ્થાની કામગીરી લોટ, ચોખા, દાળ, તેલ સહિતના દાતાઓની ઉદારતાને લઈ રોજબરોજ મજબૂત બની રહી હોવાનું જાણવા મળ્યું છે.