Tapimitra News-સુરત શહેરમાં પાલિકા અને અનેક એનજીઓ લાખોની સંખ્યામાં કીટ વિતરણ અને ભોજન વ્યવસ્થા કરી રહી હોવાના દાવા તંત્ર કરી રહ્યા છે. પરંતુ ખરેખર જરૂરીયાતમંદ લોકો સુધી આ વ્યવસ્થા પહોચી રહી નથી. તેનું તાજેતરમાં જ એક બનાવ પ્રકાશમાં આવ્યો છે. અમરોલી વિસ્તારમાં રહેતા યુપી,બિહાર અને ઓરિસ્સાવાસીઓએ પોતાની સબરનો બાંધ તોડી બેનરો સાથે રસ્તા પર ઉતરી આવી મદદની પોકાર કરી છે. અમરોલી ચાર રસ્તા નજીકના રણછોડ નિકેતનમાં રહેતા યુપી-બિહાર અને ઓડિશા વાસીઓ આખરે મજબુર બની બેનરો સાથે રોડ ઉપર આવ્યાં હતા. લોકડાઉન બાદ સતત આંખ આડા કાન કરતા તંત્રને લઈ રોષ વ્યકત કર્યો હતો. હમ ભૂખ મરે સે મર રહે હે,હમેં ઘર ભેજો,હમેં ખાના દો,જેવા બેનરો સાથે સૂત્રોચાર કરનાર એક બે નહિ પણ ૨૫૦૦થી વધુ હોવાનું સ્થાનિક એન ડી સાજીડે જણાવ્યું હતું. અમરોલીમાં ઈન્ડસ્ટ્રીયલ વિસ્તારમાં પરપ્રાંતિયો મોટી સંખ્યામાં વસવાટ કરે છે.આ વિસ્તાર આખો મજૂર,નોકરિયાત વર્ગથી ભરેલો હોવાનું અને કોઈ પણ સામાજિક સંસ્થાઓ પણ અહીંયા રાહત સામગ્રી કે અનાજની કીટ લઈને આવતી ન હોવાનું જણાવ્યું હતું. high light-આપના વોટ્સએપ મોબાઈલ નંબર ઉપર રેગ્યુલ ન્યુઝ મેળવવા માટે 78200-92500 નંબર પર આપનું અને આપનાં ગામનું નામ લખી મોકલાવો...