ઇકરામ મલેક દ્વારા તાપીમિત્ર ન્યુઝ,રાજપીપળા:કોરોના મહામારીમાં જાહેર જનતાને નમ્ર વિનંતી કરવામાં આવે છે કે, આપના કોઇ પણ બેન્કનાં ખાતામાંથી રૂા. ૧૦ હજાર સુધીનો ઉપાડ કોઇ પણ વધારાના ચાર્જ વગર આપના ઘરે બેઠા કરી શકાય છે અથવા પોસ્ટ ઓફિસમાંથી પણ કરી શકાય છે. તેમજ આપના ખાતાની બેલેન્સની માહિતી તેમજ MINI STATEMENT ની સુવિધા પણ મળે છે, જેના માટે કોઇ ATM કાર્ડ કે ખાતા નંબરની પણ જરૂર નથી. ફક્ત આપના આધાર કાર્ડ નંબર અને મોબાઇલ નંબર દ્વારા ઉપાડ થઇ શકે છે, તેવી જાણકારી શ્રી ગોંવિદભાઇ પ્રજાપતિ, લીડ ડિસ્ટ્રીક્ટ મેનેજરશ્રી,રાજપીપલા-નર્મદા તરફથી પ્રાપ્ત થઇ છે.