Tapimitra News-કતારગામ અશ્વિનકુમાર સ્માશન ગૂહ નજીક આવેલી ઝાડીમાં ગઈકાલે સાંજે ચાર વર્ષની માસુમ બાળકી ઉપર પાશવી બળાત્કાર કરનાર નરાધમને પોલીસે ગણતરીના કલાકોમાં ઝડપી પાડયો છે. નરાધમ બાળકી પર બળાત્કાર કર્યા બાદ કાપોદ્રા તરફ ભાગી ગયો હતો. ત્યાં લોકડાઉનને કારણે બંદોબસ્તમાં રહેલ પોલીસ દ્વારા તેને અટકાવી લોકડાઉનમાં કેમ ફરે છે હોવાનુ કહેતા તે ગભરાયો હતો અને પોલીસની પુછપરછમાં ગુનાની કબુલાત કરી હતી. કતારગામ પોલીસ સુત્રોના જણાવ્યા મુજબ અશ્વિનકુમાર સ્માશન ગૂહ પાસે આવેલ ઝુપડપટ્ટી નજીક ખુલ્લા પોપડામાં ગઈકાલે સાંજે ચાર વર્ષની માસુમ બાળકી કુદરતી હાજત કરવા માટે ગઈ હતી તે વખતે એક અજાણ્યો તેનું અપહરણ કરી નજીકમાં આવેલ ઝાડી ઝાંખરામાં લઈ જઈ તેની સાથે બળાત્કરા અને સૂષ્ટિ વિરૂધ્ધનું કૂત્ય કર્યું હતું. દરમિયાન કોઈએ બુમો પાડતા નરાધમ બાળકીને પથ્થર પર ફેકી નાસી ગયો હતો. બાળકીને પથ્થર પર ફેકતા પગમાં ફેક્ચર થયું હતું.બનાવ અંગેની જાણ થતા કતારગામ પોલીસની સાથે ક્રાઈમ બ્રાન્ચ પણ દોડતી થઈ હતી અને બનાવ અંગે ગુનો દાખલ કરી બાળકીને મેડિકલ પરીક્ષણ અને સારવાર માટે સ્મીમેર હોસ્પિટલમાં ખસેડવામાં આવી છે. કતારગામ પોલીસે સીસીફુટેજના આધારે નરાધમને ઝડપી પાડવા માટે અલગ અલગ ટીમો બનાવી હતી. નરાધમ બાળકી પર બળાત્કાર કર્યા બાદ કાપોદ્રા તરફ ભાંગી ગયો હતો તે દરમિયાન લોકડાઉનમાં બંદોબસ્તમાં રહેલ પોલીસે તેને અટકાવી લોકડાઉનમાં ક્યાં ફરે છે હોવાનુ પુછતા તે ગભરાય ગયો હતો જેથી પોલીસે તેની ક઼ડક પુછપરછ કરતા બળાત્કારના ગુનાની કબુલાત કરી હતી તે દરમિયાન કતારગામ પોલીસની ટીમ પણ તેને શોધતી શોધતી કાપોદ્રા પહોîચી હતી. પોલીસે નરાધમની પુછપરછ કરતા આરોપીએ તેનું નામ નિતેશ રામનરેશ રાજપુત (ઉ.વ.૨૬. રહે, કાપોદ્રા) હોવાની કબુલાત કરી હતી. પોલીસે નિતેશ રાજપુતની ધરપકડ કરી આગળ તપાસ હાથ ધરી છે.