Tapimitra News-દેશના જુદા- જુદા વિભાગોમાં આવશ્યક સહિતની ચીજવસ્તુઓની હેરાફેરી માટે પશ્ચિમ રેલવે દ્વારા શરૂ થનારી પાર્સલ એક્સપ્રેસ ટ્રેનનું બુકિંગ વેપારીઓ માટે ખુલ્લુ મુકવામાં આવ્યું છે. વેસ્ટર્ન રેલવેના ૬ ડિવિઝનમાં વેપારીઓ પોતાનો માલ બુક કરવી શકશે.વેપારીઓ પોતાના માલનું બુકિંગ મુંબઈ સેન્ટ્રલ,વડોદરા,રતલામ,અમદાવાદ,ભાવનગર અને રાજકોટ ડિવિઝન અથવા પાર્સલ ઓફિસનો સંપર્ક કરીને કરાવી શકશે એમ પશ્ચિમ રેલવે દ્વારા જણાવવામાં આવ્યું છે. આગામી તા.૧૪મી સુધી દેશનાં વિવિધ વિસ્તારો માટે આવશ્યક ચીજ-વસ્તુઓની આપૂર્તિ માટે ૭ પાર્સલ એક્સપ્રેસ ટ્રેનો દોડાવવાનું નક્કી કર્યું છે. જેમાં બાન્દ્રા ટર્મિનસ-ઓખા,મુંબઇ સેન્ટ્રલ-ફિરોજપુર,દાદર-ભુજ ,પોરબંદર-શાલીમાર, સુરત-ભાગલપુર, અમદાવાદ-ગુવાહાટી અને લિંચ-સાલચપરાનો સમાવેશ થાય છે.