અમદાવાદનાં સરખેજ વોર્ડમાં આવેલા નવી ફતેવાડી વિસ્તારમાં ગેરકાયદેસર બાંધવામાં આવેલા ૨૨ રો-હાઉસ તથા એક કોમર્શિયલ બાંધકામ તોડી પાડયા છે. માલિક-કબ્જેદારોને ૧૫ સપ્ટેમ્બર-૨૪ સુધીમાં સ્વૈચ્છાએ બાંધકામ દુર કરવાનુ હતું. નવી ફતેવાડી વિસ્તારમાં તૈવા ફલેટની સામે આવેલી જગ્યામાં રહેણાંક પ્રકારના ૩૨ તથા કોમર્શિયલ પ્રકારના ૧૯ એમ કુલ ૫૧ બાંધકામ તોડી પાડવાની કાર્યવાહી દક્ષિણ-પશ્ચિમ ઝોનના એસ્ટેટ વિભાગ તરફથી હાથ ધરવામાં આવી હતી.

રો-હાઉસ રહેણાંક પ્રકારના ૧૭ તથા કોમર્શિયલ પ્રકારના ૧૮ બાંધકામ દુર કરવામાં આવ્યા હતા. સર્વે નંબર-૯ પૈકીની જગ્યાના માલિક-કબજેદારો દ્વારા ગુજરાત હાઈકોર્ટમાં તારીખ ૧૧ સપ્ટેમ્બરના રોજ પીટીશન દાખલ કરવામાં આવી હતી. જેમાં હાઈકોર્ટ તરફથી સ્ટેટસ કવો આપવામા આવ્યો હતો. તારીખ ૧૩ સપ્ટેમ્બરે હુકમ કરી ૧૫ સપ્ટેમ્બર ૨૪ સુધીમાં માલીક-કબજેદારોને સ્વૈચ્છાએ બાંધકામ દુર કરવાના હતા. જે દુર કરવામાં નહીં આવતા એસ્ટેટ વિભાગે ગેરકાયદે બાંધકામ તોડી પાડયા હતા.