સોનગઢના વાંકવેલ પાસેથી એકટીવા મોપેડ ગાડી પર વિદેશીદારૂની ૧૭ બાટલીઓ સાથે બે ઈસમોને જિલ્લા એલસીબીએ ઝડપી પાડી તેઓની પાસેથી દારૂ અને મોપેડ તથા મોબાઈલ ફોન મળી કુલ રૂપિયા ૪૧,૫૦૦/- નો મુદ્દામાલ કબજે કર્યો હતો.

 

 

 

 

જિલ્લા એલસીબી પોલીસ સ્ટાફના માણસો શનિવારે સાંજે આશરે ૪ કલાકના અરસામાં પેટ્રોલિંગમાં હતા તે દરમિયાન સોનગઢ-ઉકાઈ રોડ પર આવેલ વાંકવેલ પાસેથી એક એકટીવા મોપેડ ગાડી નંબર જીજે/૦૩/કેઆર/૨૫૫૦ ને અટકાવી પૂછ પરછ કરતા મોપેડ ચાલકે પોતાનું નામ નીલકુમાર પરેશભાઈ પટેલ રહે, જીઇબી કોલોની ઉકાઈ-સોનગઢ અને મોપેડ પાછળ બેસેલા ઇસમે હરીશભાઈ દત્તુભાઈ માળી રહે, નંદનવન સોસાયટી-સોનગઢ નાનો હોવાનું જણાવ્યું હતું.

 

 

 

 

પોલીસે તપાસ કરતા એકટીવા ગાડી ઉપર આગળ મુકેલ સ્કુલ બેગ તથા ગાડીની ડીકી માંથી વિદેશીદારૂની કુલ બાટલીઓ નંગ ૧૭ નો પ્રોહી મુદ્દામાલ મળી આવ્યો હતો.આ બનાવમાં પોલીસકર્મી દીપકભાઈની ફરિયાદના આધારે દારૂની બાટલીઓ સાથે પકડાયેલા બંને ઈસમો પાસેથી મળી આવેલ મોબાઈલ ફોન નંગ ૨ જેની કિ.રૂ. ૮ હજાર તથા ૩,૫૦૦/- નો દારૂ તેમજ મોપેડ ગાડીની કિ.રૂ. ૩૦ હજાર મળી કુલ રૂપિયા ૪૧,૫૦૦/- નો મુદ્દામાલ કબજે કરી બંને ઈસમો સામે કાયદેસરની કાર્યવાહી હાથ ધરવામાં આવી હતી.