સુરતના હજીરમાં એક સોસાયટીના તળાવમાં 2 બાળકીઓનું ડૂબી જવાથી મોત થયું છે. મૃતક બંને બાળાઓ સગી બહેનો હતી અને થોડા દિવસો પહેલા જ તમિલનાડુથી આવી હતી. આ કરુણ ઘટના સુરતમાં હજીરામાં આવેલી નંદ નિકેટન ટાઉનશિપમાં બની હતી.

બનાવની વિગતો એવી છે કે, સુરતના હજીરમાં આવેલી નંદ નિકેટન ટાઉનશિપમાં આવેલા તળાવમાં બુધવારે સાંજે 2 સગી બહેનો ડૂબી ગઈ હતી. બંને બહેનોની ઉમર 6 વર્ષ અને 9 વર્ષની હતી. બંને બહેનો બે દિવસ પહેલા જ તમિલનાડુથી આવી હતી.બનાવની જાણ થતાં પોલીસ ઘટના સ્થળે પહોંચી હતી. જોકે, બંને બાળાઓ તળાવમાં કઈ રીતે ડૂબી તેનું કારણ જાની શકયું નથી. પોલીસે બંને બહેનોના મૃતદેહ કબજે કરી અને આગળની કાર્યવાહી હાથ ધરી છે.