સુરત જિલ્લાના માંગરોળના લીડીયાત ગામેથી જુગારધામ ઝડપાયું છે. સુરત જિલ્લા LCBએ લીડિયાતના એક ફાર્મ હાઉસમાં રેડ કરી હતી અને આ રેડ દરમિયાન જુગારધામ ઝડપી પાડ્યું છે. સુરત શહેરના અલગ અલગ વિસ્તારના 17 જુગારીઓ જુગાર રમતા રંગે હાથ ઝડપાયા છે.

આમ, LCBની ટીમે દાવ પરના રોકડા 3.73 લાખ, ફોર વ્હીલર, મોટરસાયકલો અને મોબાઈલ મળીને કૂલ રૂપિયા 13.13 લાખનો મુદ્દામાલ કબ્જે કર્યો હતો. હાલમાં LCBની ટીમે સુરત શહેરના અલગ અલગ વિસ્તારના 17 જુગારીઓને ઝડપીને કાયદેસરની કાર્યવાહી શરૂ કરી હતી. વધુમાં શહેરમાં અગાઉ પણ ઘણા વિસ્તારમાંથી અનેક જુગારીઓ ઝડપાયા છે અને તેની વિરૂદ્ધ કાયદેસરની કાર્યવાહી પણ કરવામાં આવી છે.