વનરાજ પવાર દ્વારા તાપીમિત્ર ન્યુઝ-આહવા:'નમામિ દેવી નર્મદે મહોત્સવ' ની ઉજવણી સાપુતારાના બોટીંગ પાસે પુજા અર્ચના તેમજ વેસ્ટ પ્લાસ્ટીક મટીરીયલ્સ એકત્રીકરણ કરવાનું અભિયાન તથા પ્લાસ્ટીકથી પર્યાવરણને થતુ નુકશાન અને વપરાશ સબંઘે લોકજાગૃતિ સાથેનું આયોજન કરવામાં આવ્યુ.તેમજ સાપુતારા બોટીંગ પાસે નર્મદા મહોત્સવ સ્થળે આગમન,દિપ પ્રાગટય, જલ પુજન અને આરતી મહાનુભાવોના હસ્તે કરવામાં આવ્યુ.કાર્યક્રમના સ્થળે મહાનુભાવોનું સ્વાગત કરવામાં આવ્યું. આ પ્રસંગે શામગહાન જિલ્લા પંચાયત સદસ્ય શ્રીમતિ હંસાબેન વિજયભાઇ પટેલ તેમજ ચીફ ઓફીસર નોટીફાઇડ એરીયા સાપુતારા, કાર્યપાલકશ્રી સ્ટેટ આહવના પ્રતિનઘિ,નાયબ મામલતદાશ્રી એન.એન.ગાવિત,હોટલ એસોસીએશનના સેક્રેટરી તુકારામ કર્ડીલે તથા હોટલ સંચાલકો,સાપુતારા નવાગામ નગરના સ્થાનિક આગેવાનો, સરપંચશ્રી માલેગામ, સરપંચશ્રી ગોટીયામાળ, સરપંચશ્રી શામગહાન,તલાટી કમ મંત્રી માલેગામ,સાપુતારા ખાતેના શાળાના આચાર્ય તથા સ્ટાફ ગણ તેમજ શાળાના વિદ્યાર્થીઓ તથા સાપુતારાના આજુબાજુના આવેલા ગ્રામજનો ઉપસ્થિત રહયા હતા અને કાર્યક્રમને સફળતા પુર્વક પાર પાડવામાં આવ્યો.