તાપીમિત્ર ન્યુઝ,બારડોલી:બારડોલીના ગાંધી રોડ પર આવેલ મહેસાણા સ્ટીલ પાસેથી બે પરપ્રાંતિ યુવકોએ આશરે ૬ વર્ષિય બાળકીને ઊંચકી જવાનો પ્રયાસ કર્યો હોવાનો બનાવ પોલીસ પોલીસ ચોપડે રજીસ્ટર થયો છે.જેને લઇ પંથકમાં ચકચાર મચી જવા પામી છે.સુત્રો પાસેથી મળતી માહિતી અનુસાર બારડોલી-ગાંધીરોડ પર આવેલ મહેસાણા સ્ટીલ પાસેથી મદ્રેસાથી ગાંધીરોડ આવતા રસ્તા પર તા.૧૩મી સપ્ટેમ્બર નારોજ બપોરના સમયે આશરે ૬ વર્ષીય બાળકી પોતાના બે નાના ભાઈઓ (ઉ.વ.૦૯) અને (ઉ.વ.૦૭) નાઓ સાથે સ્કુલના રીસેશ પીરીયડ દરમ્યાન ઘર જતી હોય તે વખતે રસ્તામાં બે પરપ્રાંતીય યુવકોએ બાળકીને ઊંચકી લઈ જઈ જવાનો પ્રયાસ કરતા બાળકીના બંને નાના ભાઈઓએ  પરપ્રાંતીય યુવકોના શર્ટ ખેંચી બુમાબુમ કરવા લાગ્યા હતા,જેના કારણે લોકોનું ધ્યાન જતા લોકોએ બંને યુવકોને ઝડપી પાડી મેથીપાક આપ્યો હતો અને બારડોલી પોલીસના હવાલે કર્યા હતા.પોલીસ તપાસમાં (૧)જમશેદઅલી હનીફમોહમદ રાઈન(૨)ઈરફાન અલી હનીફમોહમદ રાઈન હાલ બંને રહે,આશિયા નગર સાહિદભાઈ રૂમમાં,બિલાલ ટાવર-બારડોલી મૂળ રહે,ઉસરારાયપુર તા.પટ્ટી જી.પ્રતાપગઢ (યુપી) નાઓ હોવાની ઓળખ થઇ હતી,હાલ બાળકીના પિતાની ફરિયાદના આધારે બારડોલી પોલીસ મથકે બંને પરપ્રાંતીય યુવકો સામે ઈપીકો કલમ ૩૬૩,૫૧૧,૩૪ મુજબ તથા પ્રોટેકશન ઓફ ચાઈલ્ડ ફ્રોમ સેકસ્યુઅલ ઓફેન્સ એક્ટ-૨૦૧૨ની કલમ  ૧૧(૧),૧૨ મુજબ ગુનો રજીસ્ટર કરી આગળની વધુ તપાસ હાથ ધરી છે. High light-સ્કુલના રીસેશ પીરીયડ દરમ્યાન ઘર જતી હોય તે વખતે રસ્તામાં બે પરપ્રાંતીય યુવકોએ બાળકીને ઊંચકી લઈ જઈ જવાનો પ્રયાસ કરતા બાળકીના બંને નાના ભાઈઓએ પરપ્રાંતીય યુવકોના શર્ટ ખેંચી બુમાબુમ કરવા લાગ્યા હતા, High light-લોકોનું ધ્યાન જતા લોકોએ બંને યુવકોને ઝડપી પાડી મેથીપાક આપ્યો હતો અને બારડોલી પોલીસના હવાલે કર્યા હતા.