તાપીમિત્ર ન્યુઝ,વ્યારા:આગામી તા.૬,સપ્ટેમ્બરથી તાપી જિલ્લામાં રમત ગમત,યુવા અને સાંસ્કૃતિક પ્રવૃતિઓ વિભાગ,સ્પોર્ટસ ઓથોરીટી ઓફ ગુજરાત અને જિલ્લા વહીવટીતંત્રના સંયુકત ઉપક્રમે ખેલ-મહાકુંભ-૨૦૧૯નો શુભારંભ કરવામાં આવશે.જે મુજબ તા.૬ થી તા.૧૩મી,સપ્ટેમ્બર દરમિયાન તાલુકાકક્ષાની ચેસ,રસ્સાખેંચ,એથ્લેટિકસ,ખોખો,યોગાસન,વોલીબોલ અને કબડ્ડીની સ્પર્ધાઓ યોજાશે. નિયત કરેલા સ્થળોમાં વ્યારા તાલુકામાં ખુ.મુ.ગાંધી પ્રાથમિક શાળા-વ્યારા,ડૉલવણ તાલુકો  વિવિધલક્ષી હાઇસ્કુલ-ડૉલવણ,સોનગઢ તાલુકો સાર્વજનિક હાઇસ્કુલ-સોનગઢ,વાલોડ તાલુકો સ.ગો.હાઇસ્કુલ-વાલોડ, ઉચ્છલ તાલુકો સાર્વજનિક હાઇસ્કુલ-ઉચ્છલ,નિઝર તાલુકો આર.જે.પટેલ હાઇસ્કુલ-નિઝર અને કુકરમુન્ડા તાલુકાની સ્પર્ધાઓ સરસ્વતી વિદ્યાલય કુરમુન્ડા ખાતે યોજાશે.જયારે જિલ્લા કક્ષાએ ફુટબોલ,સ્કેટિંગ,  સ્વીમીંગ,બેડમિન્ટન,બાસ્કેટબોલ,ટેકવોનડો,જુડો,ટેબલટેનીસ,લોનટેનિસ,તીરંદાજી,હોકી,ચેસ,યોગાસન,કબડ્ડી,કુસ્તી,ખોખો,વોલિબોલ,શુટીંગબોલ,રસ્સાખેંચ,હેન્ડબોલ અને એથ્લેટિકસની સીધી સ્પર્ધાઓ તા. ૬/૦૯/૨૦૧૯ થી તા.૨૬/૦૯/૨૦૧૯ દરમિયાન યોજાશે.વધુ વિગતો ખેલ મહાકુંભની વેબસાઇટ www.khelmahakumbh.org ઉપર જોઇ શકાશે એમ જિલ્લા રમત ગમત અધિકારી અમરસિંહ રાઠવા તરફથી જણાવાયું છે.