તાપીમિત્ર ન્યુઝ,સુરત:સુરત શહેરના પાંડેસરા પોલીસ મથક નજીક આવેલી એક મિલમાં વહેલી સવારે આગ લાગી છે.આ આગની ઘટનાને પગલે અફરાતફરીનો માહોલ સર્જાયો હતો.ત્યારે ફાયર વિભાગની ગાડીઓ મોટી સંખ્યામાં ઘટના સ્થળ પર પહોંચ ગઇ છે.જો કે,આ આગની ઘટનામાં સદનસીબે કોઇ જાનહાની થઇ નથી.સૂત્રો પાસેથી મળતી માહિતી મુજબ પાંડેસરા વિસ્તારમાં આવેલી મયુર સિલ્ક મિલમાં વહેલી સવારે આગ લાગવાની ઘટના બની છે.ત્યારે આ ભીષણ આગ લાગવાના કારણે અફરા તફરીનો માહોલ સર્જાયો હતો.ત્યારે આ ઘટનાની જાણ થતા ફાયર વિભાગની ગાડીઓ સ્થળ પર પહોંચી ગઇ હતી અને આગ પર કાબૂ મેળવવાનો પ્રયત્ન કરી રહી છે.આ ભીષણ આગ લાગતા આખી મિલ ખાલી કરી દેવામાં આવી છે.