તાપીમિત્ર ન્યુઝ,નિઝર:નિઝરના સાયલા ગામની સિમ માંથી પસાર થતો સ્ટેટ હાઇવે માર્ગ ઉપર એક ટેન્કર પલટી જવાની ઘટના સામે આવી છે.આ ટેન્કર તેલ ભરેલું હોવાના કારણે રસ્તા પર તેલની નદી આવી હોય તેવા દૃશ્યો થોડીવાર સર્જાયા હતા.જો કે,આ ઘટનામાં કોઈ જાન હાની થવા પામી નથી.આ ઘટના બાબતે મળતી વિગતો અનુસાર વાત કરવામાં આવે તો તેલ ભરેલું ટેન્કર નિઝરના સાયલા ગામ પાસેથી પસાર થઈ રહ્યું હતું તે વેળાએ આ ટેન્કર કોઈ કારણોસર અચાનક પલટી મારી ગયું હતું.જેના કારણે ટેન્કરમાં રહેલું ઓઈલ નાના કોતર-ખાડી જેવી જગ્યામાં ફરી વળ્યું હતું.ઓઈલ ઢોળાવાના કારણે સ્થાનિક ગ્રામજનો મોટી સંખ્યામાં ઉમટી પડ્યા હતા અને ડોલ,દેગડા,ડબ્બા,તપેલી જેના હાથમાં જે આવ્યું તેમાં તેલ ભરી લઇ જતા નજરે પડ્યા હતા.જેનો વીડિયો સોશિયલ મીડિયામાં પણ વાયરલ થઈ રહ્યો છે.આ લખાઈ રહયું છે ત્યાં સુધી આ બનાવ અંગે નિઝર પોલીસ મથકે કોઈ બનાવ રજીસ્ટર થયો નથી..