વનરાજ પવાર દ્વારા તાપીમિત્ર ન્યુઝ,આહવા:ડાંગ જિલ્લાના સુબિરમાં આવેલ પાદલખડી ગામમાં વીજળીના સૉર્ટ સર્કિટથી ઘરમાં આગ લાગતા ઘર વખરીનો સરસમાન બળી ને ખાખ થઈ જતાં ખેડૂત પરિવાર બન્યું બેઘર છે.મળતી માહિતી મુજબ સુબિર તાલુકાના પાદલખડી ગામમાં અચાનક ઘરમાં આગ લાગી હતી જેમાં ઘરની તમામ ઘરવખરીની સામગ્રી બળીને ખાખ થઈ ગઈ હતી.ગામમાં બનેલી ઘટના અંગે વહીવટીતંત્રને જાણ કરી હતી તેમ જાણવા મળેલ છે.લવચાલી નજીક આવેલ પાદલખડી ગામના સુમનભાઈ દામુભાઇ રાઉતના ઘરમાં લાગેલ આગની ઘટનામાં ઘરમાં ભરેલ અનાજ તેમજ ઇમારતી લાકડા સહિત બળીને ખાખ થઈ જવા પામ્યું હતું જ્યારે ઘર ના સભ્યોએ ખેતી કામ કરતા હોઈ ખેતરમાં ગયા હતા પાછળ થી આ બનાવ બનતા ઘર વખરી બળી ને ખાખ થતાં ઘર માલિક ની હાલત કફોડી બની જોકે ઘરમાં કોઈ સભ્ય ન હોવાથી માનવ જાનહાની ટળી હતી.