તાપીમિત્ર ન્યુઝ,વડોદરાઃવડોદરામાં ઇન્કમટેક્સ ઓફિસર તરીકે ફરજ બજાવતાં લોકેશકુમારે તેની પત્ની મુનેશની 10 દિવસ પહેલા હત્યા કરી લાશ જમીનમાં દાટી દીધી હોવાનો જયપુર પોલીસ સમક્ષ એકરાર કર્યો હતો ત્યારબાદ જયપુર પોલીસ તપાસ માટે વડોદરા પહોંચી હતી. અને અને વડોદરા સ્થિત ઘરમાંથી આઇટી ઓફિસરની પત્નીનો જમીનમાં દટાયેલો મૃતદેહ બુલડોઝરની મદદથી બહાર કાઢવામાં આવ્યો હતો. અન્ય સ્ત્રી સાથે અનૈતિક સંબંધો અને દહેજને કારણે લોકેશકુમારે પત્નીની ઠંડે કલેજે હત્યા કરી હોવાની વિગતો પોલીસ તપાસમાં સપાટી પર આવી હતી. વડોદરા વડોદરામાં ઇન્કમટેક્સ ઓફિસર તરીકે ફરજ બજાવતાં લોકેશકુમાર ચૌધરી વડોદરા શહેરના હરણી રોડ પર આવેલા 40, ત્રીસા ડુપ્લેક્ષ ખાતે રહે છે.આઇટી ઓફિસર લોકેશકુમાર ચૌધરીએ પત્નીને મોતને ઘાટ ઉતારવા માટે તેના એક મિત્રની મદદ લીધી હતી.લોકેશકુમારની પત્ની મુનેશ જયપુર ખાતે સેકન્ડ ગ્રેડ ટિચરની પરીક્ષા આપવા માટે ગઈ હતી.આ તકનો લાભ ઉઠાવી તેણે પત્નીને પોતાના મિત્ર સાથે વડોદરા બોલાવી હતી.પત્ની વડોદરા આવે તે પહેલાં તેણે ઘર પાસે એક ખાડો ખોદી તૈયાર રાખ્યો હતો.પત્ની ઘરે આવી તે પછી તેણે ગળું દબાવી પત્નીની હત્યાકરી હતી અને લાશ અગાઉથી ખોદી રાખેલા ખાડામાં દફનાવી દીધી હતી.ઠંડે કલેજે પત્નીને મોતને ઘાટ ઉતાર્યા બાદ લોકેશકુમાર જયપુર દોડી ગયો હતો અને પોલીસ પર એવું દબાણ કર્યું હતું કે, મારી પત્નીને શોધી આપો.