ભરત શાહ દ્વારા તાપીમિત્ર ન્યુઝ,રાજપીપળા:રાજપીપળાને અડીને આવેલ વડિયા ગામની ચોકડી પર ગત 18 એપ્રિલના રોજ રાત્રી સમયે એક યુવાન પર તીક્ષણ હથિયાર થી હુમલો થયો હતો જે અંગેની રાજપીપળા પોલીસ સ્ટેશનમાં ફરિયાદ નોંધાઈ હતી જોકે જેમાં મિત્રો વચ્ચે ઝગડો થયો હતો અને જૂની અદાવત ના આધારે તલવાર લઈને મારવા આવ્યા હતા જેમાં જાનથી મારી નાખવાના ડર થી આજે યુવાન ગુમ થઈ ગયો છે કે તેનું અપહરણ કરવામાં આવ્યું છે કે જાન થી મારી નાખ્યો છે જે અંગેની તપાસ પોલીસ કરે એવી ફરિયાદ વડિયા ગામના રહીશ ભુદર કોયજી વસાવાએ જિલ્લા પોલીસ વડાને કરી છે.વડિયા ગામના 68 વર્ષીય ભુદર કોયજી વસાવા એ લેખિત અરજીમાં કેટલાક આક્ષેપો સાથે જિલ્લા પોલીસ વડાને જણાવ્યું છે કે તેમનો પૌત્ર સચિન રાજેશ વસાવા એક ખાનગી નોકરી કરે છે પરંતુ તેના કેટલાક મીત્રો વચ્ચે ઝગડા થતા ગત 18 એપ્રિલ 19 ના રોજ રાત્રીના 9.30 કલાકે નોકરીથી પરત ફરતો હતો ત્યારે હાર્દિક નામનો યુવક અન્ય ત્રણ મિત્રોને લઈને આવ્યો સાથે તલવાર હતી અને મારા પૌત્ર સચિનને માર માર્યો હતો, હનુમાન જયંતિના ભંડારામાં પણ હુમલો કર્યો હતો.આમ બે થી ત્રણ વાર આવું મારવા આવતા આજે મારો પુત્ર ગુમ થઇ ગયો છે.હાર્દિક એ મારા પૌત્રને જાનથી મારી નાખવાની ધમકી આપી છે અને જે ધમકીને કારણે એ જતો રહ્યો કે કોઈએ ગુમ કરી દીધો છે.કોઈએ જાનથી મારી નાખ્યો નથી ને...? જે અંગેની તપાસ કરવા અને પોલીસ તેમની ફરિયાદ નથી લઇ રહી એ બાબતની ફરિયાદ ને લઈને તપાસ હાથ ધરવામાં આવે અને અમારી પણ ફરિયાદ પોલીસ ચોપડે નોંધાય એવી માંગ કરી છે.