નિઝરના ગુજ્જરપુર ગામના વલકા ફળીયામાં જુગાર રમતા ૧૨ જુગારીયાઓને ૮૮ હજારના મુદ્દામાલ સાથે ઝડપી પાડી કાયદેસરની કાર્યવાહી હાથ ધરવામાં આવી હતી.નિઝર પોલીસ સ્ટાફના માણસોને સોમવાર નારોજ મળેલ બાતમીના આધારે નિઝરના ગુજ્જરપુર ગામના વલકા ફળીયામાં દરોડા પાડી જાહેરમાં ગંજીપાનો નો જુગાર રમતા ૧૨ જુગરીયાને ઝડપી પાડવામાં આવ્યા હતા, આ દરોડામાં પોલીસે દાવ પરના રૂપિયા ૫૫૯0/- સહીત અંગ ઝડતી અને મોબાઈલ ફોન તેમજ રોકડ મળી કુલ રૂપિયા ૮૮ હજારનો મુદ્દામાલ ક્બ્જે કર્યો છે.બનાવ અંગે નિઝર પોલીસ સ્ટેશનમાં ફરજ બજાવતા પોલીસ કોન્સ્ટેબલ અનીલભાઈની ફરિયાદના આધારે ૧૨ જુગારીયાઓ સામે જુગારધારા હેઠળની કલમ લગાવી નિયમોનુસારની કાર્યવાહી હાથ ધરવામાં આવી હતી.