પટના:બિહારના છપરામાં એક રેલ દુર્ઘટના થઇ છે.છપરામાં તાપ્તી ગંગા એક્સપ્રેસના ૧૩ ડબા પાટા પરથી ઉતરી ગયા છે.તાપ્તી ગંગા એક્સપ્રેસ છપરાથી સુરત જઇ રહી હતી.આ દુર્ઘટનામાં ૪ લોકો ઘવાયા હોવાની જાણકારી મળી છે.જેમાંથી એક યાત્રીની સ્થિતિ ગંભીર જણાવવામાં આવી રહી છે.રાહત બચાવની ટીમ સાથે રેલવે અધિકારીઓ ઘટનાસ્થળ પર રવાના થઇ ગયા છે.દુર્ધટના સવારે ૯:૪૫ કલાકે બની હતી. ટ્રેન દુર્ઘટનાને કારણે છપરા-વારાણસી ટ્રેન રૂટ પરથી ટ્રેનોની અવર-જવર રોકવામાં આવી છે.પ્રાપ્ત માહિતી મુજબ તાપ્તી એક્સપ્રેસ સવારે ૮ વાગ્યે છપરાથી સુરત જવા માટે રવાના થઇ હતી.