ભરત શાહ-તાપીમિત્ર ન્યુઝ,રાજપીપળા:નર્મદા જિલ્લાના તિલકવાડા તાલુકાના કોયારી ગામમાં આવેલ ખેતરના શેઢા ઉપર ઝાડ નીચે મોબાઇલની બેટરીના અજવાળે પત્તા પાના વડે પૈસાથી હારજીતનો જુગાર રમતા જુગારીયાઓને પોલીસે રેડ કરી ઝડપી પાડ્યા હતા.મળતી માહિતી અનુસાર કોયારી ગામના એક ખેતરમાં કેટલાક વ્યતિઓ જુગાર રમતા હોવાની બાતમી મળતા તિલકવાડા પોલીસે રેડ કરતા નાસભાગ મચી ગઈ હતી જેમાં જુગાર રમતા અને રમાડતા લોકો પૈકી (૧)સુરેશ અરખમભાઇ તડવી (૨)ગોવિંદ મગનભાઇ બારીયા (૩)સુરેશ સોમાભાઇ બારીયા (૪)અક્ષય અશોકભાઇ તડવી તમામ રહે- કોયારી તા-તિલકવાડા રેડ દરમિયાન પકડાઈ ગયા હતા જયારે (૫)આસિફખા આજમખાં દિવાન રહે-ઉચાદ તા-તિલકવાડા પોલીસને ચકમો આપી નાસી ગયો હતો તેમની પાસે દાવ ઉપરના રૂ.૯,૫૫૦/- તથા અંગ ઝડતીના રૂ.૧૪,૦૦૦/- કુલ્લે રૂ.૨૩,૫૫૦/- તથા મોબાઇલ નંગ-૨ કિં.રૂ.૧૦૦૦/- મળી કુલ્લે રૂ.૨૪,૫૫૦/- નો મુદ્દામાલ જપ્ત કરી કાયદેસર કાર્યવાહી બાદ ફરાર આસિફખા દીવાનની શોધખોળ શરુ કરી હતી.